Cabugao, Ilocos Sur – In-inut ken agtultuloy nga umad-adu ti bilang ti mapan mangkita ken mangusar iti Cabugao Community e-Center a naipasdek iti ungto ti 2nd Floor ti Munisipio kangrunaan dagiti agtutubo nga estudiante nga agad-adal iti high school ken kolehio iti Munisipalidad.Segun kadagiti personnel ti LGU a Caretaker ti Community e-Center, inaldaw nga adda umay agusar kadagiti brand new a desktop computers nga agtutubo ken indibidual nga umili iti lawlawasna maibasar iti nakalanad a nagan iti users’ logbook.
Daytoy a proyekto ti Munisipio ket paset kadagiti serbisio a maipaay iti sapasap a mangtulong kadagiti agkasapulan ti usaren a computer para iti panangsanay/panangpadur-as ti kabaelanda (ICT Literacy), panagaramid ti papelesda ken pannakikomunikarda kadagiti gagayyem ken patpatgenda iti sabali a lugar.
Buklen dagiti mangiturturong dagiti nasanay ti Computer a Personnel ti Munisipio a tumulong kadagiti umay agsursuro/agusar a kliente ken nailungalong daytoy a proyekto babaen ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web Situational Report)
No comments:
Post a Comment