Cabugao, Ilocos Sur – Naaramid ti maikatlo a panag-session dagiti Garlic Growers iti Nobiembre 8, 2012 iti Learning Area-da a masarakan iti Barangay Pug-os, Cabugao, Ilocos Sur a nagatendaran dagiti pannakabagi ti DA-LGU ken dagiti 35 a Garlic Growers ti nadumaduma a barangay.Nagpaay a Facilitator ni Mrs. Ester P. Aguimbag, FFS Vegetables Facilitator a kaduana ni Mr. Elmer G. Bromeo, Co-Facilitator. Nataming dagiti topiko a saan a nadiskutir iti kallabes tapno agtultuloy ken maan-anay ti pagsurotan ti aktibidad ti panagadal. Naipaay nga Special Topic ti Introduction to the Concept of AESA.
Naregget a nakipartisipar dagiti mannalon nangruna iti diskusion ken eyes-breaker. Paset ti panagadal ti pannakaitandudo ti panagusar ti organiko a ganagan ken nain-gayyeman a panangtratar ti peste ken insekto tapno maikabassit ti magastos ken saan a makadadael ti aglawlaw dagiti maadaptar a wagas a panglapped ti sakit.
Manamnama ti nabunga ken naballigi a resulta ti panagadal gapu iti kaadda/madadaan a maited a naan-anay a mausar, pabor ti panawen ken mannakikooperar dagiti makipaggamulo iti nasao a proyekto. # (Web In-Action)
No comments:
Post a Comment