RURAL BASED-GROUPS, PATIBKEREN TI DA-ATI

Cabugao, Ilocos Sur – Dagiti kameng ti 4-H Club Federation ti Cabugao, Ilocos Sur ti maysa kadagiti naawis a Rural Based-Organization (RBO) iti Socialization and Fellowship Night  a paset ti tallo nga aldaw (Nobiembre 13-15, 2012) a panagtataripnong ti 16 Regional Presidents ti MAGSASAKA SIYENTISTA  a  napauluan ti “Capability Enhancement and Planning of Magsasaka Siyentista as Prime Movers of Agricultural Development” a naangay idi rabii ti  Nobiembre 13, 2012 iti Hotel de Salcedo de Vigan, Vigan City.

Daytoy a panagtataripnong ket naipakaammo sakbayna babaen ken  ni Director Rogelio C. Evangelista, Center Director, ATI-Regional Training Center 1  iti Opisina ni Mayor Edgardo S. Cobangbang, Jr. iti ili ti  Cabugao, Ilocos Sur.

Naangay ti programa  iti Masha’s Reception Hall, Hotel de Salcedo de Vigan, Vigan City. Naitampok ditoy ti salip ti sala kadagiti 16 Regions (Region 1-16), intermission numbers:   kanta, magical Show a kas panangpatibker ti panagaammo ken panagkakaduada kadaytoy a gannuat ti DA-ATI, Regional Training Center ti Region 1.

Ti Magsasaka Siyentista ket umbrella organization dagiti Rural-Based Organizations kadagiti LGU’s  a pakaibilangan ti 4-H Club tapno maikkanda ti serbisio-teknikal, mapatibker dagiti organisasion-da, maipaayanda ti adal ken kabaelan a mangipakat ti maited a pagrebbenganda para iti panagdur-as ti agrikultura iti sangkapagilian.

Kadua ni Mrs. Joenah G. Sevilleja, Municipal 4-H Club Coordinator ti ili a Cabugao  ni Mr. Allen Christian Ubaldo, 4-H  Club Federated President a nangidaulo ti delegasion a nakikaysa kadaytoy nasao nga okasion iti rabii iti kabesera ti Vigan. # (Web Situational Report)