Cabugao, Ilocos Sur – Naangay ti maysa nga aldaw a seminar ti
Fish Cage Culture Training on Tilapia Production Management kadagiti kameng ti
4-H Club ti Barangay Pug-os, Cabugao, Ilocos Sur babaen ti panaglektiur ni Mrs.
Linda Alicar ti Provincial Fishery Office a kinadua da Municipal 4-H Club
Coordinator Joenah G. Sevilleja ken 4-H Facilitator Obas Bill Y. Baclig, agpada
a Teknisian ti DA-LGU Cabugao ita a Nobiembre 22, 2012 iti arubayan ti Brgy.
Hall, Barangay Pug-os, Cabugao, Ilocos Sur.
Sakbay ti lektiur, napan binisita ti grupo iti pamupokan a proyekto ti 4-H Club
a masarakan iti laud ti National Highway ken
asideg ti sabangan ti Creek ken iti baybay Tsina.
Iti pannaki-amad ti Web In-Action,
impeksa dagiti kameng a nagseminar ti panagyamanda iti agtultuloy a suporta ti
LGU Cabugao a makikamkammayet kadagiti Ahensia ken Opisina a mangmangted ti
proyekto/adal, pamuonanda ken
pagkakitaan ti asosasionda a 4-H Club.
Manamnama a maapit ti pupokda a Tilapia agingga iti bulan ti Disiembre 2012. #
(Web In-Action)
No comments:
Post a Comment