KAMPEON TI CABUGAO ITI UNIT 1 ATHLETIC MEET!

Cabugao, Ilocos Sur – Inyalat ti Delegasion ti Cabugao ti kampeonato iti Unit 1 Athletic Meet 2012 a naangay iti dua nga aldaw iti Pagsanaan-Miramar Football Ground, Brgy. Pagsanaan Norte-Miramar, Magsingal, Ilocos Sur idi Nobiembre 6-7, 2012.

Napagsasalipan dagiti ay-ayam iti Athletics, Badminton, Baseball,  Basketball, Chess, Lawn Tennis, Sipa Takraw, Sepak Takraw, Soccer/Football,  Softball, Table Tennis, Gymnastics, Taekwondo, ken Volleyball babaen ti panangiwardas dagiti Officiating Officials and Umpires iti nadumaduma a Playing Venues  iti benneg ti elementaria ken high school.

Iti panagngudo ti ay-ayam, naangay ti Closing Program ket naiwaragawag dagiti napili nga atleta iti kada ili  a makisalip iti maangay nga  Ilocos Sur Provincial Meet 2012 babaen kadagiti Tournament Managers iti tunggal Sports Event.

Naisaganad ti pannakaited ti Tropeo ken Award dagiti nangabak ita a tawen a pasalip: Champion-Cabugao; 1st Runner-up-San Juan; 2nd Runner-up, Magsingal ken 3rd Runner-up-Sinait.

Naaramid ti Lowering of the Delegation Athletic Flags babaen kadagiti District Supervisors, PESS Coordinators ken Secondary Principals kasta met iti pannakaibaba ti Unit 1  Athletic Flag babaen iti Unit 1 Chairman.

Naiyallawat  ti Unit 1 Athletic Flag babaen iti pannakabagi ti Magsingal District Supervisor ket nayawat iti sumaruno a Host: ti Sinait DepEd District.

Nagserbida pay  iti dua nga aldaw dagiti  Referees,  Clerk of Course/Recorder, Announcer/Presentor, Event Coordinator, Line-Judges, Scorers, Arbiters, Timekeeper, ken Starters.

Dagiti Honorary Officials: Magsingal Mayor Arlyn A. Favis-Chairman, Cabugao Mayor Edgardo S. Cobangbang, Jr.-Co-Chairman; Sinait Mayor Marlon B. Ines-Co-Chairman ken San Juan Mayor Bernard D. Sarmiento-Co Chairman.

Co-Honorary Officials  dagiti Vice Mayors: Alrico A. Favis-Magsingal; Danilo Q. Gazmen-Cabugao; Amador Macugay-Sinait ken Rizalina Valle-San Juan. Nairaman pay itoy a nagsaadan dagiti Committee Chair  on Education ti Sangguniang Bayan iti tunggal ili; Head of Delegation ken SK Federated Chairmen ti tunggal ili.

General Referees ti inakem dagiti Superbisor ken Prinsipal ti kada ili kasta met dagiti PESS Coordinators ken Screening Committee babaen kadagiti napili a mangisursuro iti tungal pagadalan iti benneg ti elementaria ken high school. # (Web Situational Report)