Cabugao, Ilocos Sur - Naangay ti General Assembly Meeting ti Parent-Teacher’s Association (PTA), Salomague Elementary School, Brgy. Salomague, Cabugao, Ilocos Sur idi Hulio 3, 2013 iti Open Autditorium ti pagadalan.
Immuna a naaramid ti Opening Prayer iti panangidaulo ni Mr. Ronald T. Castaneda, Grade V Teacher.
Naisaganad ti Report of Financial Statement ti School Canteen babaen ken ni Mrs. Ligaya S. de Pedro. Naisaruno ti pannakailawlawag ti PTA Funds ni Mrs. Andrea C. Antonio, PTA Treasurer.
Imbinsabinsa met ni Mr. Ronel M. Ubaldo, Head Teacher III dagiti nagapuananda iti uneg ti pagadalan kas iti sumaganad: 1. Repair of the School Office 2. Repair of the Perimeter Fence 3. Water Supply and Facilities (Raffle Tickets Proceeds) 4. Installation of Steel Grills/Landscaped Plant Box 5. Improvement of the School’s Main Gate 6. Re-painting of Bagong Lipunan Building and School Office. 7. Office Computer 8. Pupils’ Achievements (academic, sports, scouting, presscon) 9. School Vegetable Garden 10. Construction of School Nursery.
Napagsasaritaan pay dagiti pakaseknan ti sapasap kas iti pakabuklan ti K to 12 Curriculum, DepED Policies and School Rules and Regulations, Grading System, Authorized Contributions, Partisipasion iti eskuela dagiti 4 p’s Beneficiaries ti barangay.
Imbinsa pay ni Mr. Ubaldo dagiti Special/Proposed Projects-da a kayatda a tun-oyen kas iti sumaganad: Construction of additional 2-room school building 2. Repair of School Stage 3. School Pavement concreting 4. Establishment of a Covered Court 5. Repair of the Perimeter Fence (Western part of the school) 6. ken Vegetable Garden.
Pinagyamanan pay ni Mr. Ubaldo ta ditoy ti nakailunsadan ti Brigada Eskwela ti Cabugao DepED District iti sakbay ti panagseserrek ti School Year 2013-2014 a nagpartisiparan da DepED Division Superintendent Dr. Marino S. Baytec ken DepED Undersecretary Alberto T. Muyot.
Iti mensahe ni Brgy. Captain Eliseo R. Serrano, kinaritna ti sapasap a taginayonenda ti tanipkelda a mangibanag kadagiti pagsayaatan ti eskuela ken komunidad. Impadamagna met dagiti mapaspasamak a pagimbagan ti sapasap iti Barangay Salomague agraman dagiti oportunidad a pakabenepisiaran dagiti lumugar.
Iti Closing Remarks, impeksa pay ti Head Teacher ti pagadalan iti dakkel a panagyamanda iti LGU-Cabugao iti liderato ni Mayor Edgardo “Ediboy” S. Cobangbang, Jr. kadagiti naitulong ti Munisipio iti pagadalan ken mailunglungalong pay a mainayon a pagsayaatan ti eskuela ti Brgy. Salomague.
Simmaruno ti Open Forum. Nasungbatan ken naikkan ti pannakataming dagiti pakaseknan a naidatag kabayatan daytoy a parte ti panagmimitingda.
Nagpaay nga Emcee ni Mrs. Imelda A. Quinsaat. # (Web In-Action)
No comments:
Post a Comment