Cabugao, Ilocos Sur – Maysa kadagiti barangay a naikkan ti proyekto a solar light ket nangruna a naisaad iti nagsulian ti tallo a kalsada ti Barangay Sagayaden, Cabugao, Ilocos Sur iti agdama. Daytoy a proyekto ket impaay ni Governor Ryan Luis V. Singson babaen iti panangilungalong ti LGU-Cabugao, Ilocos Sur nga idauluan ni Mayor Edgardo “Ediboy” S. Cobangbang, Jr.
Pagyamyamanan ni Brgy. Captain Virgilio Saplor Piros ken dagiti kalugaranna a kangrunaan a mabenepisiaran itoy a proyekto a silaw iti barangayda.
“Nabukar ti sellagna iti rabii, Barok,” imbatad ni Mr. Pedro Sayaboc I nga asideg ti balayna iti pasdek ti silaw. “Manaynayonan pay koma ti kastoy a silaw kadagiti dadduma a kanto ti barangay tapno nalawlawag pay ti kalsada nangruna ti rabii.”
Nupay nasiken ti serbisio ti Barangay Power Association (BAPA) iti ISECO ditoy a barangay panggep iti pannakasilaw pay ti kalsada, mapagyamananda iti napintas a seggeden ti silaw babaen iti solar light. # (Web In-Action)
No comments:
Post a Comment