Cabugao, Ilocos Sur – Naglukat ti Municipal e-Library idi Hunio 3, 2014 ket naipakaammo babaen iti Munisipio dagiti annuroten iti pannakausar daytoy a baro a pasilidad ti Munisipio kas iti sumaganad:
1.Ti Cabugao eLibrary ket usaren ti amin nga agindeg iti ili a Cabugao nangruna kadagiti estudiante, mangisursuro ken dagiti agsukisok (Researcher).
2.Aglukat manipud 8:00 a.m. agingga iti 5:00 p.m. manipud iti aldaw ti Lunes agingga iti Biyernes ken 1:00 pm agingga iti 5:00 pm iti aldaw ti Sabado ken Domingo.
3.Amin a kliente ket umuna nga agrehistroda iti Logbook ken mangipakitada iti Identification Card (ID) apaman a sumrekda iti pasdek.
4.Mausar dagiti Computers (Imac Brand, Latest) a libre ngem saan a mausar para iti Social Network Sites (Facebook, Twitter, Instagram, etc.); kasta met iti Video Sites (Youtube, etc.) ken ON LINE GAMING.
Daytoy a baro a pasilidad ti Munisipio ket proyekto a napundar babaen iti naaramid a Cabugao Global Grand Reunion itay kallabes ken nagpaay a Host ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken nagatendaran dagiti kameng ti nadumaduma a Cabugaoenians nga agnaeden iti ballasiw-taaw. # (Web In-Action)
No comments:
Post a Comment