Cabugao, Ilocos Sur – Segun ken ni Dr. Melvin G. Castro, Municipal Livestock Coordinator a malaksid iti napintas a koordinasionda ken pannakaipakat kadagiti pagannurotan ti Munisipio iti Cabugao Dayo, mairamraman met a mapasayaat ti pasilidad ti Municipal Slaughterhouse babaen iti pannakaar-aramid ti istraktura a masnop a disso ti pagpartian iti uneg ti pasdek ti nasao a pasilidad.
Innayon ni Dr. Castro a naorganisar itay nabiit dagiti Opisiales ti Cabugao Butcher Association tapno maipamaysa ti akem ti tunggal sektor iti pannakatagiben ken pannakapasayaat ti Municipal Livestock Office. Malaksid iti kaduana a Municipal Meat Inspector, kuna ti Beterinario a naikkan pay ti nainayon a Personnel ti Munisipio a mangmantener iti aglawlaw ken uneg dagiti naaramid a pasdek ken iti naurnos a panagoperar kadagitoy a napateg a pasilidad ti Munisipio.
Daytoy nga inisiatiba ti DA-LGU ket agtultuloy a mangkomplementar kadagiti programa/proyekto nga itden ti Munisipio iti Benneg ti Livestock Industry para iti pagsayaatan dagiti agtartaraken iti dinguen ken ayup a mainayon a pagsapulanda iti benneg ti Agrikultura. # (Web In-Action)
No comments:
Post a Comment