Friday, June 6, 2014

MITIGATION PLAN PARA ITI EL NINO, NAAMMUAN

Cabugao, Ilocos Sur – Segun ken ni Municipal Rice Program Coordinator Nereo S. Daproza, AT, naipakaammo ti El Nino Mitigation Plans for Rice Production iti Wet Season 2014. Daytoy a proyekto ket pagkammayetan ti LGU-Cabugao ken ti DA National ken ti  DA-RFO 1.

Dagiti sumaganad ti mailunsad a mangalay-ay iti epekto ti mapaspasungadan a kalamidad iti mulmula nangruna iti pagay:


5,400 agingga iti 7,200 Hybrid Seeds para iti 360 ektarias iti Irrigated Area.

1, 440 Soil Ameliorant para iti 360 Irrigated Area.

1,700 Soil Ameliorant para iti 440 Ektaria a baro nga Irrigated Area.

2,400 Kgs. a Seeds ti Super Rice (GSR) para iti Drought Prone Area.

220 Kgs. Zinc Zulfate para iti 55 Ektarias a nakurang ti elementona a Zinc (Irrigated Area).

1,000 Kgs. Certified Seeds (inbred) para iti 25 Ektaria.

5 Units Engine Pump  para iti Irrigated Area a nakaro a naapektaran ti tikag  ket agkasapulanda iti mausar a danum nga agtaud iti karayan ken iti dadduma pay a paggapuan ti danum ken dam-eg.

Daytoy a baro a programa ket madama nga ipakpakaammo ni Mr. Daproza kadagiti panagmitingda kadagiti mannalon, Opisiales ti Barangay ken iti  kanaigna a paguummongan tapno maipasakbay a maammuan ti kaaduan ket nakasaganada inton maipatungpal daytoy a programa. # (Web In-Action)

No comments:

Post a Comment