Tuesday, June 10, 2014

PANAGKAKAWA, MASAGANAAN DAGITI AGPAAGAS ITI RHU

Cabugao, Ilocos Sur – Iti pannakiuman ti Web In-Action iti Hunio 10, 2014, imbatad dagiti RHU-Cabugao  Personnel nga idauluan ni Dr. Bernardino M. De Gracia, OIC Municipal Health Officer  nga adu ti bilang dagiti 
nagpa-Check-up kadagiti gagangay a sagubanit a kas iti gurigor, uyek ken panateng ngem awan ketdi  iti nairekord a  kaso dagiti pagam-amkan a rumsua itoy a panagbalbaliw ti klima ta kankanayon a mamonitor dagiti barangay ken iti Poblasion babaen kadagiti naregta a pannakabagi ti RHU ken DOH.


Maaramid latta iti naka-eskediul a panagpabakuna dagiti inna  iti maladagada  iti Anti-DPT, Check-up ti Blood Pressure nangruna  dagiti nataengan. Maibilang latta met nga agpaagas dagiti ubbing, agtutubo ken agkabannuag nga umili a naggapu iti nadumaduma a barangay.


Innayon ni Dr. De Gracia a masigud a maagasan ti   tumaud  a sagubanit ken  agtultuloy a pannakaited  iti umisu a serbisio dagiti Personnel ti Rural Health Unit (RHU)-Cabugao tapno maliklikan iti panagwaras ti sakit ken maprotektaranda iti aniaman a sumangbay a pakarikutan iti salun-at. # (Web Situational Report)

No comments:

Post a Comment