Monday, June 9, 2014

RE-LOAN ACTIVITY TI CABUGAO VEGETABLE GROWERS, NAILUNSAD

Cabugao, Ilocos Sur – Naulit manen  ti panagmiting dagiti kameng ti Cabugao Vegetable Growers and Producers Association nga idauluan ni Mr. Armando Azcueta, Presidente, idi Hunio 6, 2014 iti 2nd Floor, Municipal Building, Cabugao, Ilocos Sur.


Kangrunaan a natratar ket iti pannakaipabulod manen ti Principal Amount ti pundoda para iti panagmumula ita a Tawen 2014.


Segun pay kadagiti Vegetable Growers a determinadoda a makapagmula iti nateng kas iti tarong, karabasa, utong ken kanaigna a pangbiitan a nateng tapno saan a maarus  ti suplay para iti pagkasapulan ti kaaduan.



Imbatad met  ti kaaduan nga agmulmula/bimmulod ti puonan iti panagmulada iti nateng iti panagyamanda iti tulong-pinansial ti Gobierno Munisipal ti Cabugao  ta maulitda manen ti makasublat iti puonanda  nga agmula ti nateng gapu ta naisublida iti Asosasion ti  dagup ti  nabulodda iti kallabes. # (Web In-Action)

No comments:

Post a Comment