Cabugao, Ilocos Sur – Segun kadagiti Opisiales ti Cabugao Livestock and Traders Association ket puminpintas ti transaksion a mapaspasamak iti panaggiginnatang dagiti koridor ken dumadayo iti Cabugao Dayo kadagiti pakauna a bulbulan ti Tawen 2014.
Kas iti sigud, nabun-as dagiti nuang ken baka a nai-dayo ket kaaduan ti nagatang a para-parti babaen kadagiti kameng ti Cabugao Meat Vendors Association iti NISTC- Public Market, Cabugao, Ilocos Sur.
Kalpasan ti panagmiting dagiti kameng ti livestock association itay nabiit, napatibker manen ti panagkakaduada ken pannakausar dagiti puonan iti panaggatang nga agtultuloy a mangingato ti masapulan ti asosasion ken pakabenepisiaran met dagiti kameng iti agdama. Daytoy nga asosasion ket agtultuloy a katintinnulong ti LGU-Cabugao a mangipromot ken mangkomplementar kadagiti programa/proyekto para iti pagsayaatan dagiti agtartaraken iti dinguen ken ayup a mainayon a pagsapulanda iti benneg ti agrikultura. # (Web In-Action)
No comments:
Post a Comment