SEEDLINGS, NAKASAGANA PARA ITI TREE PLANTING

Cabugao, Ilocos Sur –Nakasagana dagiti agduduma a seedlings iti Municipal  Plant and Nursery, Brgy. Baclig, Cabugao, Ilocos  Sur para iti nasaknap a Tree Planting kalpasan ti napigsa a tudtudo  iti bulan ti Hunio 2014.

Daytoy ti inrakurak ni Mr. Robert S. Savella, Municipal Plant and Nursery Coordinator ket ur-urayenda ti Go Signal no kasano a ruk-atanda dagiti Seedlings a kaaduanna ti Mahogany iti ikub ti Nursery.

Daytoy a gannuat ket panagsaganada  iti pannakipasetda iti maaramid a nasaknap a  Tree Planting Activities iti Munisipalidad ti Cabugao  ita a bulan ti Hunio.

Iti pannaki-amad ti Web In-Action iti Hunio 10, 2014, imbatad ni MENRO Edgar S. Balangatan, AT,  a posible a dua a disso ti maisingasingda iti Gobierno Munisipal a pakaangayan ti Tree Planting nga idauluan ti Munisipio agraman dagiti 33 a Barangay ken dagiti nadumaduma a Sektor a mangbukel ti Munisipalidad. 

Innayon ni Mr. Savella a naiyataday  unay iti gannuatda a nagpatanor/nagurnong  kas nasapsapa  iti agduduma a  seedlings   kas panangannurot ti Direktiba ti Local Chief Executive  tapno adda madadaan ita a maimula kadagiti aktibidades ti Tree Planting  iti panagmumula a bulan ita a Tawen 2014. Mangnamnamada pay a tumulong met  dagiti Barangay a mapapigsa  dagiti Nurseries ti eskuela (Elementaria ken High School)  ken Barangay tapno adda katulonganda a mang-propagate iti umdas a seedlings a kasapulan a maimula iti aniaman a Tree Planting Activities. # (Web In-Action)