Cabugao, Ilocos Sur – Tapno naan-anay ti pannakatarabay dagiti ubbing iti panagadalda, nangited ti Departamento ti Edukasion (DepED) kadagiti Instructional Materials iti Cabugao DepED District babaen ken ni Cabugao DepED Property Custodian Mr. Edison Solatre kadagiti School Heads iti 26 a pagadalan ti ili idi Hunio 16, 2014 iti Teacher’s Conference Building, Cabugao South Central School, Brgy. Bonifacio, Cabugao, Ilocos Sur.
Ti naideliber a libro ket nakategoria iti Pabasa Pilipinas a maited kadagiti Grade 1 ken II nga ubbing. Daytoy ket naisurat iti Vernacular (Ilokano) ken nagseminar dagiti mangisursuro babaen iti DepED Division Office sakbay nga agisuroda kadaytoy nga asignatura.
Segun ken ni Mr. Solatre a malaksid kadaytoy a nabiit a naited a pagbasaan ket agrepreport latta met isuna iti Opisinana iti Cabugao DepED District para iti pannakaited dagiti dadduma a kasapulan dagiti mangisursuro para iti panagpabasada kadagiti ubbing. # (Web In-Action)
No comments:
Post a Comment