FAMILY DEVELOPMENT SESSION, NAKASENTRO ITI 4 P’s-CABUGAO

Cabugao, Ilocos Sur – Segun ken ni Municipal 4 P’s Focal Person Miss Aida S. Cueto, agtultuloy nga ipatungpalda dagiti programa ti 4 P’s a pagbulbuligan ti DSWD-MSWDO ken ti LGU-Cabugao nga ipatungpal kadagiti 33 a barangay ti ili a Cabugao, Ilocos Sur.

Iti bulan ti Hunio 2014, addan  20 a barangay a naileppasda a binisita ken miniting kadagiti 4 P’s Members/Cluster  ket kangrunaan nga ileklektiurda maipapan iti Values Formation ken Spiritual Aspect ti programa ti 4 P’s.

Innayon ni Miss Cueto a kalaksidan ti material a pakabuklan ti programa ket maipamaysa met a matubay ti espiritual a benneg ti panagbiagda tapno mabalanse ti panangsagrapda ti programa ket masustener ti panagbalinda a mapangnamnamaan ken responsable nga umili ti Cabugao, Ilocos Sur. 

Buklen dagiti mapan mangmitmiting iti Team A ken Team B nga idauluan da Miss Jessie Anne O. Tabut, Municipal Link-Cabugao ken ni Ms. Pespes. # (Web Situational Report)