Cabugao, Ilocos Sur – Marugian ti panagadal dagiti nagenrol iti Food Beverages Services nga Estudiante iti Vocational Arts School of Ilocos Sur, Inc. a maang-angay iti Barangay Pug-os, Cabugao, Ilocos Sur.
Segun ken ni Mr. Glen Braceros, Trainer ti nasao a kurso ken pagadalan a kualipikado nga agadal dagiti nagturpos ti High School ken College Level iti mairugi a kurso nga agpaut iti 45 Days.
Innayon ni Mr. Braceros a nainaw daytoy a panagadal wenno pagadalan idi Nobiembre 2013 ket mangrugi ti panagklaseda ita a Hunio 2014. Agsipud ta mangrugrugi pay laeng daytoy a pageskuelaan ti Bokasional ket maysa pay laeng a kurso ti mayadal. Sumarsaruno dagiti kurso ti Housekeeping, Cookery, Bartending ken Front Office Work iti masungad nga aldaw.
Ti nasao a pagadalan ket konektado iti TESDA ken iti Provincial Government ti Ilocos Sur a kangrunaan kadagiti eskolar nga estudiante a maipaayan iti libre a panagadal tapno maikkan ida ti adal ken pagsapulan para iti natalged a masakbayanda. Kaaduan kadagiti Estudiante ti residente iti Cabugao ken San Juan, Ilocos Sur. # (Web In-Action)
No comments:
Post a Comment