TULONG TI INREC KADAGITI FARMERS, NAITED DITOY CABUGAO

Cabugao, Ilocos Sur -  Naangay ti panagsaludsod dagiti pannakabagi ti Ilocos Norte  Research and Experiment Center  (INREC)-DA-RFO 1 nga idauluan ni Mrs. Wilma  A. Ibea, OIC Center Chief  iti umabot ti 500 a mannalon a nangibagi iti 33 a barangay ti ili a Cabugao babaen iti maipakat a programa ti DA iti panagsukisok a napauluan ti: “Rice Crop Manager (RCM): A Comprehensive Decision support Tool for Increasing Yields and Income for Rice Farmers in the Philippines”. Naangay daytoy nga aktibidad iti Cabugao Cultural and Sports Complex idi Hunio 10, 2010 ket kinadua dagiti Kapitanes dagiti mannalon iti barangayda a nakisango kadagiti bisita a naggapu iti INREC agraman dagiti pannakabagi ti Municipal Agriculture Office nga idauluan ni Mrs. Zenaida S. Andrada.

Nakikaysa ni Mayor Edgardo “Ediboy” S. Cobangbang, Jr. iti pannakapasangbay dagiti bisita iti DA-INREC  ket nagyaman ta adda manen kabarbaro a programa a maipaay kadagiti mannalon a mangnayon iti kaammuanda nga agpatan-ay ti nakalidad ken ad-adu nga apit nangruna iti pagay.

Pinaregta ni Mayor Ediboy dagiti mannalon  babaen iti agtultuloy a panangadaptarda kadagiti kabaruanan a wagas ti teknolohia ti panagtalon.

Pinagyamanan ti Ama ti ili iti agtultuloy a panagkammayet ti DA, Mannalon ken ti LGU-Cabugao kadagiti programa ken proyekto a mangpasayaat ti kasasaad dagiti mayoridad nga umili ti Cabugao.

Ti panggep daytoy a baro a programa ti DA ket dagiti sumaganad:

1.Crop and Nutrient Management Recommendation.

2.Kasapulan a kaammuan iti mayannatup a kondision ken kasapulan dagiti mannalon iti pagay.

3.Maammuan ti kasasaad ti  mannalon agraman ti datos ti  panagmulana iti pagay ket maited a dagus dagiti singasing nga aramiden daytoy tapno sumayaat pay ti panagtalonna.

4.Babaen iti Computer (Wi-Fi Capable) maaramid dagiti extension workers, crop advisers, service providers, ken input providers iti panaginterbiuda kadagiti mannalon.

5.Kangrunaan a pagrikusan ti interview iti panagusaran ti abuno iti mula a pagay.

Maysa nga aldaw a naaramid ti group interview. # (Web In-Action)