Cabugao, Ilocos Sur – Nagbisita dagiti pannakabagi ti Provincial Nutrition Council-Ilocos Sur nga isuda Ms. Estela Shaine Quinto, Provincial Nutrition Action Officer; Ms. Bernadeth Mauricio, PNC Staff; Ms. Alma Castillo, PNC Staff ken ni Ms. Widna Galwordo, Ilocos Sur BNS Federation President ditoy ili a Cabugao, Ilocos Sur.
Immuna a nag-Courtesy-da ken ni Mayor Edgardo “Ediboy” S. Cobangbang, Jr. iti Opisinana iti imatang da SBM Danny Q. Gazmen; SBM Atty. Bryan Jett S. Pano; SBM Josefina S. Vallejo; SBM Jayhan Alcid-Tan ken ni ABC President, Brgy. Captain Thaddeus U. Soller.
Kalpasan ti Courtesy Call, nagturong ti grupo dagiti Nutrition Officers iti maang-angay a miting dagiti Barangay Nutrition Scholars (BNS) iti 33 a barangay ti ili a Cabugao, Ilocos Sur iti 2nd Floor Municipal Hall, Cabugao, Ilocos Sur.
Nangited ti grupo iti information updates kadagiti BNS ken na-validate ti reports ti tunggal BNS babaen iti panangistudiar dagiti sangaili.
Kalpasanna, binisitada dagiti Detecto Weighing Scale ken dagiti BP Apparatus a maited kadagiti BNS.
Segun kadagiti BNS a nagatendar, mangrugi ti aktual a panangadalda ti panagusar kadagitoy a medical apparatus inton Hunio 15, 2014 maibasar iti eskediul a mapagtutulaganda kadagiti pannakabagi ti Rural Health Unit (RHU) ken ti MNAO-Cabugao nga idauluan ni Mrs. Joenah G. Sevilleja, AT. # (Web In-Action)
No comments:
Post a Comment