Cabugao, Ilocos Sur –Naaramid ti dua nga aldaw a panagsanay dagiti 120 a 4 Ps Beneficiaries iti ili a Cabugao iti Skills Training on Goat Raising with Vegetable Production idi Oktubre 11-12, 2016 iti Barang-ay Demo Farm, San Juan, Ilocos Sur ken iti Cabugao Cultural and Sports Complex, Brgy. Rizal, Cabugao, Ilocos Sur kas panagsaganadda.
Umabot ti 120 a 4 Ps Trainees ti nagpartisipar kadaytoy a kurso nga inggannuat ti Sustainable Livelihood Program (SLP) ti DSWD ken nakikammayetan ti LGU-Cabugao nga idauluan ni Mayor Josh Edward S. Cobangbang.
Naaramid ti panagsanay dagitoy a Trainees babaen iti panangtimon ni Mr. Dennis P. Aguimbag, SLP-PDO ti SLP-DSWD.
Iti umuna nga aldaw ti Training, nagsarita ni Mayor Josh Edward S. Cobangbang ket kimmablaaw ken nagyaman ta agtultuloy latta ti panagited ti DSWD iti proyekto a mangpasayaat ti pagbiagan ti kaamaan dagiti 4 Ps ken komkomplementaran ti LGU-Cabugao babaen iti panangtulongda iti kasapulan dagiti Trainees/Recipients.
Nagatendar met ni SBM Atty. Bryan Jett S. Pano, Committee Chairman on Social Services iti maikadua nga aldaw ti panagsanay kasta metten da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao; Miss Aida S. Cueto kasta metten kadagiti Staff ti MSWDO-Cabugao ken iti 4 Ps Municipal Link-Cabugao iti nasao a Training. # (Web In-Action)
No comments:
Post a Comment