Cabugao, Ilocos Sur – Maang-angay ti tallo nga aldaw (Oktubre 13-15, 2016 a panagsanay dagiti napili nga Atleta iti Unit 1 iti Probinsia ti Ilocos Sur a maisangal iti maaramid a Division Athletic Sports Competition 2016 idiay Quirino Stadium, Bantay, Ilocos Sur inton Oktubre 18-21, 2016.
Maang-angay ti panagsanay kadagiti nagduduma nga events iti Cabugao Athletic Oval (Freedom Park), Brgy. Bonifacio, Cabugao, Ilocos Sur a no sadino a ditoy ket pagpartisiparan dagiti umaayam a napili manipud iti nadumaduma a pagadalan a nangbukel iti Unit 1 (Sinait, Cabugao, San Juan ken Magsingal).
Tartarabayen met ida dagiti Coaches, Sports Officials ken Tournament Managers dagiti nasao nga atleta ket simmangbay dagiti Delegasion iti Oktubre 13, 2016 ditoy a nadakamat a disso a panagrugi ti panagsanay.
Impeksa ni Mr. Elvis A. Tabugader, Principal ti Solotsolot National High School, San Juan, Ilocos Sur ken Unit 1 Chairman iti panagyamanda iti panangusarda manen kadagiti pasilidad ti sports iti LGU-Cabugao ken iti babaen iti panangtarabay ni PESS District Coordinator Ronel M. Ubaldo kadagiti Atleta a madama nga agsansanay. # (Web Situational Report)
No comments:
Post a Comment