Cabugao, Ilocos Sur – Segun ken ni Municipal Rice Program Coordinator Nereo S. Daproza, AT, ket addan umabot iti 1,522 Ektaria ti bilang ti pinagayan a naapitan manipud iti 2,247 Ektaria a namulaan ti pagay iti Wet Season 2016 (Hunio-Nobiembre 2016).
Ad-adu ti naraepan iti mairigasionan nga agdagup iti 1,651 Ektaria idinto ta 596 Ektaria met iti Rainfed Area.
Innayon ni Mr. Daproza a nupay nagsasaganad ti simmangbay a bagyo kabayatan iti panagtan-ay dagiti mulada a pagay ket saanda unay a naapektaran ngem ketdi nagbalin a nakapaboran dagiti mulada iti panagtudtudona iti napigsa a nangsulnit iti kinakiddit ti suplay ti padanum kadagiti kallabes a bulan.
Insupusop ni Mr. Daproza nga umab-abot iti pito agingga iti sangapulo a tonelada ti maapit iti maysa nga ektaria ket manamnama iti saan a panaglugi dagiti mannalon ita a Wet Season 2016.
Dagitoy nga aksion ken inisiatiba ket paset ti programa ti LGU-Cabugao iti agtultuloy a pannakaidur-as ti sektor-agrikultura babaen iti liderato ni Mayor Josh Edward S. Cobangbang tapno mamantener ti rice self-sufficiency status ti Munisipalidad ti Cabugao a pakaisagutan latta met dagiti umili. # (Web In-Action)
No comments:
Post a Comment