FARMERs FIELD SCHOOL (FFS), NATURPOS DAGITI MANNALON ITI BRGY. BUNGRO

Cabugao, Ilocos Sur – Nadanon met laengen  ti 16 weeks a panagleppas ti panagadal ti 21 a mannalon iti  Farmers Field School on Sustainable Rice Production Project with Emphasis on Palay Check iti  21  a bilang (dati a 30)  ti  mannalon iti Barangay Bungro  babaen iti panagbinnulig ti Department of Agriculture, Regional Field Office (DA-RFO 1), San Fernando City, La Union; OPAG-Ilocos Sur,  Agriculture Training Institute (DA-ATI)
ken iti Local Government Unit (LGU)-Cabugao, Ilocos Sur iti panangidaulo ni Mayor Josh Edward S. Cobangbang.

Naaramid ti FSS Graduation iti Barangay Stage, Barangay Hall, Brgy. Bungro, Cabugao, Ilocos Sur  itay nabiit. 

Immuna a naaramid ket iti Field Visitation and Viewing of Exhibits  sa naaramid ti ababa a programa para iti panaggradduar dagiti Farmer-Cooperators.

Kalpasan ti Opening Prayer ni Mr. James D. Cairel, FFS Participant ket  naisaruno ti pannakakanta ti National  Anthem ken iti Cabugao Hymn. Naisaganad ti pannakaaramid ti Panatang Maka-Palay babaen ken ni Mr. Harry S. Sonido, FFS Participant.

Opening Remarks ti inakem ni Barangay Captain Fermin S. Sarinas. Kimmablaaw ken nagyaman ti Kapitan ta saan a paudi dagiti kabarangayanna a maisagsagut kadagitoy a pagimbagan nga ilunglungalong ti LGU-Cabugao kadagiti Ahensia ti DA, OPAG-Ilocos Sur ken iti Agriculture Training Institiute (DA-ATI).

Nasangaili iti Graduation Ceremonies  da SBM Atty. Randy B. Kinaud, Committee Chairman on Agriculture ken ni SBM Danny Q. Gazmen. Nangited ti Mensahe ni SBM Kinaud ket kimmablaaw ken nagyaman ta agtultuloy a maikkan ti adal dagiti mannalon ket agballigi dagiti gannuatda agsipud ta adda latta ti LGU-Cabugao a tumarabay kadakuada ken kasta metten iti Departamento ti Agrikultura a mangidur-as ti benneg ti panagtalon.

Binagi ni Municipal Agriculturist Robert S. Savella ti Acknowledgement of Guests/Participants ket  Presentation of PTD Result ni Mr. Dick A. Sonido, FFS Participant.

Nangted ti Impression da Salvador S. Sonido; Edwin S. Sarinas; ken ni Harry S. Sonido.

Kalpasan a naipresentar dagiti FFS Officers, nagsapata dagiti  Opisiales ti mannalon ken naipabuya ti panagkanta dagiti FSS Participants iti Folk Media. Naipresentar dagiti FFS Graduates ken nakompirmar dagiti nagturpos.

Kalpasan ti Acceptance of Graduates, naibunong dagiti Certificates-da  babaen kadagiti naisangayan a sangaili ti DA-RF0 1 ken Konsehales ti ili  a nagatendar. 

Nangted ti Closing Remarks ni Mr. Bert P. Vicente, Local Farmer Technician/FFS Facilitator. Pinagyamananna ti amin nga adda pasetna iti panagballigi daytoy a panagadal dagiti mannalon.

Nagpaay nga Emcee da Mr. Edy S. Sevilleja; Mr. James D. Cairel, agpada nga FFS Participant  ken ni Mr. Bert P. Vicente, FFS Facilitator. # (Web In-Action)