Monday, September 4, 2017

1-DAY INTEGRATION AND FINALIZATION TI CPAP, NAANGAY DITOY CABUGAO

Cabugao, Ilocos Sur – Naangay ti 1-Day Integration and Finalization of Citizen Driven Priority Action Plan (CPAP) & Signing of the Pledge of  Commitment ti Department of the Interior and Local Government (DILG)-Ilocos Sur  ken Region 1 ditoy LGU,  Cabugao, Ilocos Sur.

Binayabay ti Opisina iti MLGOO-Cabugao babaen ken ni MLG Officer Mrs. Constancia “Connie” Lazo  Quinola, LGOO V dagiti nagkokomperensia.

Naulit  ti Komperensia   idi Agosto 31, 2017 sadiay pasdek ti Early Childhood Care Development Center, Cabugao, Ilocos Sur.

Nagatendar dagiti Opisiales ti Barangay; PNP-Cabugao; Department Heads ti LGU-Cabugao; ken dagiti Opisiales ti ili nga idauluan ni Mayor Josh Edward S. Cobangbang.

Kalpasan ti pannakaited iti Invocation ken iti pannakakanta ti  Pambansang Awit, naangay ti Conference Proper ket naiyam-ammo dagiti nagatendar.

Nag-Words of Welcome ni Mrs. Constancia L. Quinola, LGOO V ket naaramid ti pannakaulit a pannakaibinsabinsa (Recap)  dagiti napalabas nga aktibidad.

Inakem ni MPDC Florante S. Jara iti Presentasion iti pakabuklan ti CPAP.

Sakbayna, naangay iti pannakaestudiar ti resulta iti survey ken  nataming ti Citizen Satisfaction Index (CSI)  a ditoy ket naammuan no kasano iti kadur-as iti pannakaammo dagiti napagsaludsodan nga umili iti awareness ken availment-da  kadagiti serbisio a mait-ited kadakuada manipud iti Gobierno Lokal.

Babaen itoy, nadeterminar iti pagpigsaan ken pagkapsutan iti pannakatarawidwid ti serbisio. Naaramid pay ti action planning dagiti nagatendar iti naaramid a Citizen Priority Action Plan (CPAP).

Nagatendar iti immuna a panagkokomperensiada da DILG Regional Director James F. Fadrilan, CESO IV; pannakabagi ti DILG Ilocos Sur Provincial Office nga idauluan ni  Virgilio P. Sison, CESE ken ni Local Government Capability Development Chief Pedro D. Gonzales ti DILG-Region 1. # (Web In-Action)

No comments:

Post a Comment