Monday, September 25, 2017

2nd DAY TI UNIT MEET 2017, NABALLIGI!

Cabugao, Ilocos Sur – Agarup naggigiddan dagiti nayeskediul a salip/Games  dagiti Atleta iti uppat nga ili kadagiti sumaganad nga events: Basketball, Baseball, Table Tennis (B&G), Badminton (B&G), Taekwondo, Softball, Soccer, Volleyball (B&G), Sipa Takraw, Athletics, Arnis, Boxing,  Chess, ken Gymnastics iti Day 2 ti Unit Athletic Sports Competition iti Setiembre 23, 2017iti Cabugao Athletic Oval.

Kabayatanna, naaramid ti Baseball Secondary Boys  iti Cabugao Institute Ground, agtultuloy latta a naaramid ti Lawn Tennis ken Basketball Boys (Elementary)  iti Covered Court ti Brgy. Bonifacio ken iti Multipurpose Pavement met ti nakaaramidan ti Lawn Tennis ti elementaria a benneg. Naaramid pay ti basketball girls & boys  secondary iti Basketball Court ti Cabugao Central Park (CCP) kasta metten ti Table Tennis ken Gymnastics iti Cabugao Cultural and Sports Center iti Barangay Rizal. 

Dadduma nga events ket naaramid iti pageskuelaan ti Cabugao South Central School a nagpaay a Team Quarters ti Sekundaria ken Elementaria iti uppat nga ili nga agsasalip.
Segun ken ni Mr. Ferdinand Asistin, District Sports Manager, nga inaramidda ti kabaelanda a nagmonitor iti pay-ayam, panangkita ti dadduma pay a kasapulan ken pakaseknan dagiti Atleta ken Bisita ken pannaki-koordinarda kadagiti nadumaduma nga event personnel ti DepED a natudingan a mangkita iti pagan-annayasan ti pay-ayam ken dagiti nakipartisipar/nagbuya  ditoy.

Nakapundo latta met ti Ambulansia ti LGU-Cabugao a kadua ti mangimanmanehar  dagiti nakadeploy a Nurses Aide iti nadumaduma a paset ti pagay-ayaman a mangaksion iti aniaman a makasapul iti tulong ti First Aid ken Medikal iti pakaseknan kadagiti agdama a pay-ayamda.

Agtultuloy met a nakitinnarabay dagiti kameng ti Kapolisan, Blue Boys, ken  Barangay Tanod/BPATS  iti pannakamantener ti urnos ti Trapiko ken iti panag-ruar-sumrek ti lugan ken tao a mapan iti asideg ti pagbuyaanda. 

Kabayatanna, aktibo met a nakigamulo iti pay-ayam a mangrugi kadagiti kameng ti Screening Committee a buklen dagiti pannakabagi iti uppat nga ili kasta met dagiti kameng ti Clerk of Course/Recorder ken First Aide a buklen dagiti Unit 1 Nurses and Secondary School Nurses a nakadeploy iti game area.
Naregta met dagiti Announcer/Presentor iti School Stage a mangipakpakaammo iti  pagdurdur-asan ti salip, panagsagana dagiti sumaruno nga agsalip nga ili ken dagiti nangatiw a Team kalpasanna, panawagan iti pakaseknan ti ay-ayam, Atleta agraman dagiti agbuybuya.

Buklen dagiti Officiating Officials ti Tournament Managers ken kakaduada  iti benneg ti Elementaria ken High School     iti tunggal event.
Manamnama nga iti nagmalem a pay-ayam iti Setiembre 24, 2017 ket maam-ammuanen  dagiti agballigi a Team/Ili  iti tunggal event kadaytoy a dinnayo ken dagiti mapili nga Atleta ken Coaches a makilaok iti masungad nga 2017 Ilocos Sur Division Sports Competition. # (Web In-Action)

No comments:

Post a Comment