Wednesday, September 13, 2017

BFAR BOAT REGISTRY SYSTEM, NAIPATUNGPAL DITOY CABUGAO

Cabugao, Ilocos Sur – Naituloy ti Boat Registry System ditoy nga ili babaen kadagiti  pannakabagi ti  Municipal Fisheries Office babaen iti panangidaulo da Mr. Nereo S. Daproza, AT ken ni Peace Corps Volunteer Kyle Connelly maibatay iti Direktiba ti BFAR ken iti LGU-Cabugao nga idauluan ni Mayor Josh Edward S. Cobangbang. 

Nakitinnulong dagiti agtagikua ken crew dagiti fishing vessels ditoy ili a Cabugao, Ilocos Sur iti 3rd Quarter ti 2017.

Naisubmiter dagiti kasapulan a papeles dagiti boat owners ken dagiti  crew members kadagiti Opisina a mangtaming kadakuada.

Sakbayna, inlunsad ti BFAR-Ilocos Sur ti Boat Registry System (BoatR) tapno maestablisar iti Simplified and Standardized National Registration dagiti mangngalap, fishing gears ken dagiti fishing vessels.
Tapno maaramid daytoy, naikkan ti tunggal LGU iti gundaway a mangirehistro kadagiti masakupanda a mangngalap ken dagiti pagkalap tapno maaramid iti information online iti fisheries sector.

The BoatR ket agpaay a pagibasaran iti National Programs ti Aquaculture. Panggepna pay a lappedan iti llegal, unreported ken  unregulated fishing.  Sagudayen ti Republic Act 8550 or Fisheries Code of the Philippines, madusa ti asinoman nga agkalap nga agusar iti eksplosibo, panagkoriente ken panagsabidong wenno panagtuba ti ikan. # (Web In-Action)

No comments:

Post a Comment