Wednesday, September 6, 2017

MITING TI FEDERATED FARMERS, NABUNGA

Cabugao, Ilocos Sur – Nakipaset  ni Mayor Josh Edward S. Cobangbang ken ni ABC President Thaddeus U. Soller  iti naangay a Monthly Meeting ti Cabugao Federated Farmers Association iti  Cabugao Cultural and Sports Complex, Cabugao, Ilocos Sur idi Setiembre 5, 2017.

Kinablaawan ni Mayor Josh Edward  ken nagyaman kadagiti mannalon iti agtultuloy a kinatunosda ken mangpapigsa ti hanay-da babaen iti panangitedda kadagiti plano ken pakaseknan iti tunggal asosasion a mangbukel ti Pederasion.
Inikkan pay ti Ama ti Ili iti importansia dagiti  kalikagum a gun-oden  dagiti mannalon/asosasion.

Impeksa pay ti Alkalde Munisipal iti napintas koma a  turongen ti programa a mangpasayaat pay ti kasasaad dagiti mannalon ken mangngalap gapu iti manamnama a pannakaited  dagiti mailungalong a proyektoda  a makiddaw. 

Simmaruno a naangay ti meeting proper  dagiti Opisiales ket trinatar-da dagiti pakaseknan/agenda  iti Pederasion ken  dagiti baro a padamag-da  para iti pagsayaatan dagiti mannalon.

Kangrunaan a nagwerretan ti napagsasaritaan ket iti pinansial a kasasaad ti tunggal Asosasion ken kasano a mapadakkelda dagiti puonanda nga inted ti LGU-Cabugao tapno maisagut ti amin a kamengda kadagiti proyekto ken proigrama nga ipapaaay ti Gobierno Munisipal.

Inggunamgunam met ni ABC President Teddy Soller a kasapulan latta a kakoordinarda a nasayaat ti Konseho ti Barangay kadagiti Aktibidad ken planoda tapno napigpigsa ti puersada ken katulonganda no adda pakasapulanda.
Nagatendar dagiti Staff ti DA-LGU nga idauluan ni Municipal Agriculturist Robert S. Savella ken ni MAFC Chairman Rogelio Barlolong. # (Web In-Action)

No comments:

Post a Comment