Monday, September 18, 2017

COASTAL CLEAN-UP, NAARAMID IDIAY BARANGAY SABANG

Cabugao, Ilocos Sur – Naaramid ti coastal clean-up iti shorelines ti Barangay Sabang, Cabugao, Ilocos Sur idi malem ti Setiembre 15, 2017 babaen iti panangipatungpal dagiti kameng ti Pamilia LGU-Cabugao nga idauluan ni Mayor Josh Edward S. Cobangbang.


Daytoy a panagdalus iti igid ti baybay ket maibatay iti Direktiba ti Ama ti ili kas mayalubog iti pannakaselebrar ti 32nd International Coastal Clean-up ken iti 117th Philippine Civil Service Month.

Segun ken ni MENRO Edgar S. Balangatan, AT, timmulong pay ti Konseho ti Barangay ken dagiti kameng ti nadumaduma nga asosasion iti barangay   iti nadakamat a panagdalus.

Dagitoy nga aksion ket mangkomplementar ti programa ti LGU Cabugao iti Coastal  Development a mangsustener pay iti kinadalus ti kabaybayan a mangtulong iti nasalun-at a panagbiag dagiti lumugar. # (Web In-Action) 

No comments:

Post a Comment