Monday, September 11, 2017

NAGLEPPAS TI SCHOOL-BASED IMMUNIZATION KADAGITI BRGYS.

Cabugao, Ilocos Sur – Nagleppas ti panangidanon dagiti Medical Personnel ti Rural Health Unit (RHU)-Cabugao nga idauluan da  Dr.Mark –Lawrence T. Tirao, OIC Municipal Health Officer ken ni Public Health Nurse Mrs. Janet A. Sison  iti serbisio ti panagbakuna kadagiti ubbing  kadagiti pageskuelaan kadagiti barangay ti ili a Cabugao, Ilocos Sur iti matapogan ti bulan ti Setiembre 2017.

Daytoy sumaruno a nasaknap a panagbakuna ket maikonsentrar kadagiti Senior Citizens (60 agingga iti 65 ti tawenna) iti nadumaduma a barangay ti ili a kas iti  panagkuna dagiti RHU Nurses.

Maibakuna kadakuada iti Flu Vaccine ken ti Pneumocucal Conjugate Vaccine (PCV).

Dagitoy nga aksion ken inisiatiba ket paset iti napintek a koordinasion ti Department of Health (DOH) ken iti LGU-Cabugao nga idauluan ni Mayor Josh Edward S. Cobangbang tapno matulongan iti Sektor-Nataengan. # (Web In-Action)

No comments:

Post a Comment