Friday, September 29, 2017

3rd NATIONWIDE SIMULTANEOUS EARTHQUAKE DRILL (NSED), NAKIKAYSA TI LGU-CABUGAO

Cabugao, Ilocos Sur - Ti Municipal Government ti Cabugao, Ilocos Sur nga idauluan ni Mayor Josh Edward S. Cobangbang   babaen iti implementing arm-na nga iti Municipal  Disaster Risk Reduction Management Council (MDRRMC) ket nangaramid  ti earthquake drill sadiay  Cabugao National High School, Barangay Turod, Cabugao, Ilocos Sur idi Setiember 27, 2017. 


Babaen iti uni ti alarma, dagiti estudiante ken agad-adal iti Cabugao National High School ket naikkanda iti pammilin a rummuarda kadagiti kuartoda ket simmaruno  a nagtignay dagiti kameng ti search and rescue personnel operation team a buklen dagiti kameng ti Cabugao Rescue  a mangbukel ti MDRRMC nga idauluan ni LDRRMC Officer Engr. Nestor B. Somera a  nagturong kadagiti kuarto a pangkitaanda kadagiti nagakem a biktima iti ginggined.

Tinulongan dagiti kameng ti  Municipal Police Station  ken iti  Bureau of Fire Protection (BFP)- ken kasta metten  a tinaming dagiti kameng ti Medics nga ibagian dagiti Personnel iti RHU-Cabugao dagiti natakuatan/nairuar a biktima ket naipanda iti Stage Area ken iti Incident Command Post.  Napakatan  iti First Aid dagiti biktima a kas koma iti nadidigra iti  leg injury; eye injury; unconscious and shallow breathing;  wound arm; ken fractured leg. 


Dagiti nakaro ti pannakadangranna ket nailuganda iti dua nga agur-uray nga ambulansia tapno maipan iti ospital. Sistematiko iti gunay dagiti Rescuers a nagmobilisar iti pasamak.

Kabayatanna, ti ceremonial button iti national drill ket naangay idiay  Bacoor, Cavite babaen iti Office of the Civil Defense.

Naipaganetget iti sapasap iti pannakipasetda iti information drive  a masasao a “Bida ang Handa Campaign”  babaen iti panangiyuna iti Office of Civil Defense (OCD) itatta a Tawen 2017. # (Web In-Action)

No comments:

Post a Comment