Monday, September 25, 2017

OVER-ALL CHAMPION TI CABUGAO TEAM ITI UNIT 1 SPORTS COMPETITION 2017!

Cabugao, Ilocos Sur – Nagun-od ti Cabugao Team iti Over-all Champion iti 3-Day  Unit   1 Sports Competition 2017 (Setiembre 22-24)  kadagiti pageskuelaan (Elementary ken High Schools)  iti uppat nga ili a kas iti Sinait, Cabugao, San Juan ken ti Magsingal, Ilocos Sur iti uneg ti Cabugao Athletic Oval, Barangay Bonifacio, Cabugao, Ilocos Sur a nagatendaran dagiti napili nga Atleta a mangibagi iti tunggal pagadalan ti kada ili, Officiating Officials, Coaches, mangisursuro ken dagiti nagannak a nangtarabay kadagiti annakda a nakibalubal  iti nadumaduma nga sports events.


Iti Closing and  Awarding Ceremony, indauluan ni Mayor Josh Edward S. Cobangbang ken  binayabay dagiti District Supervisors ken dagiti MAPEH Coordinators iti pannakaited dagiti Awards  kadagiti nagabak a pageskuelaan ken Atleta iti nadakamat nga uppat nga ili.



Nakikaysa met ni Mrs. Estrellita M. Siruno, Principal II ti CSCS a  nangibagi ken ni Dr. Consesa T. Rumias kasta metten ken ni DepED Cabugao Sports Manager Ferdinand Asistin a kaduada da  Mrs. Madelene R. Aglibut ken ni Dr. Victoria A. Battad  a nakikaysa ken ni Mayor Josh Edward a nagited iti pammadayaw iti School Stage ti Cabugao Athletic Oval.



Segun iti matalek a mapagdamagan, ti  ili a  Cabugao iti sumublat a Host Municipality iti nasao a pasalip inton Tawen 2018. # (Web In-Action)

No comments:

Post a Comment