Friday, September 22, 2017

PANNAKAITED DAGITI ATHLETE UNIFORM, NAARAMID

Cabugao, Ilocos Sur – Naaramid ti pannakaiwaras dagiti Uniform dagiti Atleta; Coaches ken Officiating Officials iti Cabugao Team kabayatan iti General Practice-da idi malem ti Setiembre 20, 2017 iti Cabugao Athletic Oval, Brgy. Bonifacio, Cabugao, Ilocos Sur. 


Mismo a ni Mayor Josh Edward S. Cobangbang iti nangiyallawat kadagiti Opisiales ti Sports iti Cabugao DepED District nga usaren dagiti napili nga Atleta a makisalip iti Unit 1 Sports Competition  2017  a maaramid iti tallo nga aldaw (Setiembre 22-24, 2017) iti Cabugao Athletic Oval.

Pinagyamanan met dagiti immawat nga Atleta kasta metten dagiti Sports Officials iti agtultuloy a suporta ti LGU-Cabugao kadakuada tapno naan-anay iti identidad-da a makisalip iti nasao a kompetision.
. # (Web In-Action)

No comments:

Post a Comment