Cabugao, Ilocos Sur – Agtultuloy a madalusan ken maisagana kadagiti umili a naayat nga agpasiar, aglang-ay ken agrelaks iti natalinaay, napresko ken nawaya a masakupan ti Cabugao Central Park (CCP) a masarakan iti abay ti National Highway, Brgy. Bonifacio, Cabugao, Ilocos Sur nangruna kadagitoy a bulbulan ti Tawen 2019.
Daytoy ti maipanamnama dagiti Caretakers iti CCP. Kinapudnona, isuda pay ti mangidaulo nga ag-engine ken manual grass cutter a mangmantener kadaytoy a historikal a parke a nagsaadan idi ti daan a tiendaan nga indonar daydi Dios-ti-aluadna a Don Crispin Serrano (CRISER Market).
Kabayatan ti panagtaktakem ni Mayor Edgardo “Ediboy” S. Cobangbang Jr. nga Alkalde ti ili a Cabugao, napardas a naglupos ti parke babaen iti pannakapaadda dagiti sumaganad: 1. Installation of Pavers along Jogging Lane 2. Repair and Modification of Toilet and Bathroom 3. Installation of Fitness Gym and Amenities 4. Fabrication of new steel bleachers 5. Installation of brand new LED/Solar Streetlights 6. Installation of Fiber Glass Board at the Basketball Court 7. Repainting of Stage, Grounds, Basketball Court and New Logo within the Basketball Court 8. Concreting of Children’s Play pen Pad for the High Grade Plastic Playhouse with Roof and Concrete Fence.
Kabayatanna, naitultuloy dagiti nainayon a pannakapasayaat ti CCP iti panagtakem ni Former Mayor Josh Edward S. Cobangbang kas iti nainayon a silaw iti uneg ken pannakasemento iti drainage canal iti amianan a paset ti CCP ken dadduma pay a mangpasayaat ti serbisio a para iti sapasap.
Innayon dagiti CCP Caretakers a kaay-ayo dagiti agassawa a pagdamuan dagiti ubbingda nga agsursuro a magna iti kasla kudson ti kalamuyotna a karuotan ti Parke.
Ti CCP ket daytoy ti pakaang-angayan dagiti dadakkel nga aktibidad ti LGU-Cabugao nangruna iti Piesta ti Ili kasta metten kadagiti selebrasion ti Piesta; Holidays; Konsierto; panagpraktis; pakontes ken kanaigna nga aktibidades a mangpabaknang iti kultura, sosial ken pannakipagili iti Cabugao.
Mapunno ti aglang-ay iti sardam ti CCP iti rinabii nangruna iti summer months ken weekends ken naruay iti ag-jogging iti agsapa.
Kabayatanna, agtultuloy latta met a mamantener ti kinadalus dagiti dadduma a pasilidad a kas iti NISTC Compound; Cabugao Athletic Oval; sango ti Food Court; arubayan dagiti commercial establishments; Parke a nagsaadan ti Monumento ni Dr. Jose P. Rizal ken agdama a ma-landscape ti sango ti baro a Balay ti Ili (Munisipio). # (Web Situational Report)
No comments:
Post a Comment