Cabugao, Ilocos Sur – Napagasatan a napili ni Mr. Ronel Manantan Ubaldo, Head Teacher III ti Salomague Elementary School, Cabugao, Ilocos Sur a maysa kadagiti 54 a National Technical Official a mangtarawidwid iti mapaspasangasangan a 30th Southeast Asean Games a maangay idiay New Clark City Stadium, Capas, Tarlac.
Eskediul ti Refresher Course dagitoy nga NTOs iti Oktubre 20-23, 2019 ken maaramid iti pre-testing competition inton Oktubre 26-27, 2019.
Ti Southeast Asian Games, wenno masasao a SEA Games ket regional multi-sport event a maangay iti kada dua a tawen a pagpartisiparan ti 11 a pagilian iti Southeast Asia a pakaibilangan ti Pilipinas.
Ti Southeast Asian Games ket immuna a naaramid idiay Bangkok, Thailand idi 1959 ket napagsasalipan ti 12 nga sports, a managan: aquatics, athletics, badminton, basketball, boxing, cycling, football, shooting, table tennis, tennis, volleyball, ken weightlifting.
Iti agdama, ti Pilipinas iti host- country ket maangay inton Nobiembre 30, 2019 agingga iti Disiembre 11, 2019. # ADAPTED
No comments:
Post a Comment