Cabugao, Ilocos Sur - Naangay iti Water Search and Rescue (WASAR) Training dagiti baro a recruit ken tinarabay ida dagiti pannakabagi ti MDRRMC-Cabugao Ilocos Sur dagiti nagsanay a naaramid idiay Vigan City, Ilocos Sur itay kallabes.
Ti Municipal Disaster Risk Reduction Management Council (MDRRMC)-LGU Cabugao ket nakipaset dagiti 9 a baro a kamengna iti kalkalpas a WASAR (Water Search and Rescue) Training.
Kabayatanna, segun iti PDRRMC-Ilocos Sur ket adun ti bilang dagiti nasanay a kameng ti WASAR iti 1st ken 2nd District ti Probinsia a buklen dagiti empleado ti LGUs, Polis, Professional ken dadduma pay a sektor a makabael nga agsakripiso ken agsanay ket nupay pagrebbengan daytoy a maituyang kadagiti LGUs babaen iti Office of the Civil Defense (OCD) ti DND ket maapresiar met dagiti maseknan nga agsansanay iti ragsakda a makaadal ken makapagserbi kadagiti kailianda no tiempo ti kalamidad.
Innayon ti PDRRMC a sistematiko ti gunay/mobilisasion ti panagresponde ti WASAR ken PDRRMC-MDRRMC no adda mapasamak a kalamidad, desgrasia wenno napapateg a paguummongan a maisayangkat a pakasapulan iti pannakatarabay dagiti tattao a maseknan kadagiti lugar/ili ditoy Probinsia ti Ilocos Sur kabayatan a maaramid ti aktibidadda. # (Web In-Action)
No comments:
Post a Comment