Cabugao, Ilocos Sur – Naaramid ti coastal clean-up iti shorelines ti Barangay Sabang, Cabugao, Ilocos Sur idi Setiembre 21, 2019 babaen iti panangipatungpal dagiti kameng ti Pamilia LGU-Cabugao nga idauluan ni Mayor Edgardo “Ediboy” S. Cobangbang, Jr.
Daytoy a panagdalus iti igid ti baybay ket maibatay iti Direktiba ti Ama ti ili kas mayalubog iti pannakaselebrar ti International Coastal Clean-up ken regular nga ar-aramiden dagiti Opisiales ken lumugar iti pito a coastal barangay ti ili.
Segun ken ni MENRO Edgar S. Balangatan, tumultulong ti Konseho ti Barangay ken dagiti kameng ti nadumaduma nga asosasion iti barangay iti nadakamat a panagdalus.
Dagitoy nga aksion ket mangkomplementar iti sustenable a programa ti LGU Cabugao iti Coastal Development ken regular a pannakadalus iti 7 a Coastal barangays a mangsustener pay iti kinadalus ti kabaybayan a mangtulong iti nasalun-at a panagbiag dagiti lumugar. # (Web In-Action)
No comments:
Post a Comment