Cabugao, Ilocos Sur – Naaramid ti panagselebrar dagiti kameng ti Cabugao Federated Senior Citizens Association (FESCA) maipapan iti Elderly Filipino Week Celebration 2019 idi Oktubre 15, 2019 babaen iti Tema: “Healthy and Productive Aging starts with me” ket naangay ti programa iti
Cabugao Cultural and Sports Complex, Brgy. Rizal, Cabugao, Ilocos Sur.
Immuna a naaramid ti Nasantuan a Misa iti St. Mark the Evangelist Catholic Parish Church a nagatendaran dagiti nataengan.
Naaramid pay ti Fun Walk sa naangay ti salu-salo ket sinagrapda dagiti naisagana a napagsasanguan sakbay a naaramid ti programa iti Sports Complex.
Iti Program Proper, naimatangan iti naragsak a pannakipaset dagiti nataengan iti kagimonganda babaen kadaytoy a selebrasion.
Naiballaet dagiti Intermission Number dagiti barangay chapter ti FESCA ket adda nangipaay ti daniw ken nagsala a grupo.
Nangipaay ti Message da MSWD Officer Mrs. Lydia S. Gazmen ken ni Ret. Judge Efren S. Ubungen.
Imbagian ni Vice Mayor Jemaima S. Tan-Yee ni Mayor Edgardo “Ediboy” S. Cobangbang, Jr. ket nangipaay iti nabara a kablaaw ken mensahe para kadagiti nataengan iti panagselebrarda.
Ni Former Mayor ken agdama nga SBM Josh Edward S. Cobangbang ti Committee Chairman iti Social Services a makasakup kadaytoy a sektor ti nataengan.
Trinatar ti Municipal Health Office ti ili dagiti pakaseknan ken annuroten ti salun-at dagiti nataengan tapno pumaut pay iti panangnanamda ti biag.
Nagyaman ti liderato ti FESCA iti naballigi nga okasion dagiti nataengan.
Nagpaay nga Emcee ni Mr. Mario Peralta iti Barangay Nagsantaan.
Nakigamulo met dagiti RHU Personnel para iti selebrasion dagiti nataengan. # (Web In-Action)
No comments:
Post a Comment