Cabugao, Ilocos Sur – Naangay ti Pay-out itay nabiit ket naserbisyuan ti umabot iti 1,583 a Households ti Pantawid Pamilyang Pilipino Program (4 Ps) kadagiti barangay ti Munisipalidad ti Cabugao. Dua a bulan (Hunio-Hulio 2019) ti naalada maibasar iti mabatayanda a gatad ken agdagup amin iti P5,666,700.
Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti Ahensia ti DSWD ken kapartnerna ti LGU-Cabugao nga idauluan ni Mayor Edgardo “Ediboy” S. Cobangbang, Jr. a makasakup kadagiti benepisiario. # (Web In-Action)
No comments:
Post a Comment