MAKINARIA KEN DADDUMA A KASAPULAN DAGITI MANNALON, NAI-TURN OVER KADAKUADA

Cabugao, Ilocos Sur – Naangay ti Awarding/Turn-over dagiti Farm Machineries/Equipments kas iti Farm Tractor; Reaper; Multi-crop Bagging Machine  kadagiti Opisiales ken kameng   ti Farmers Associations kadagiti barangay ti ili a Cabugao, Ilocos Sur nga inimatangan dagiti nagatendar ken dagiti LGU Personnel  a timmulong ket naangay iti turnover iti abay ti Baro a Pasdek ti  Balay ti Ili, Barangay Rizal, Cabugao, Ilocos Sur  idi Oktubre 8, 2019.

Imbatad ti LGU-Cabugao a dagitoy a maited a ramit ket pakabuklan dagiti napagpapatangan  maibasar iti kasapulan dagiti mannalon ken barangay ken  napagnunumuan iti miting a naangay kadagiti mannalon ken barangay sakbayna.

Indauluan  da Mayor Edgardo “Ediboy” S. Cobangbang, Jr. ken ni Former Mayor ken agdama ita nga SBM Josh Edward S. Cobangbang  kasta metten a nakikaysa met da  SBM Danny Q. Gazmen;  SBM Atty. Randy Baniaga G. Kinaud; SBM Jeremy A. Seguban, Jr. ken ni ABC President Thaddeus “Teddy” U. Soller ti nangbayabay ken  ni Mayor Ediboy a nangiyallawat kadagitoy a ramit ken kasapulan ti agrikultura kadagiti maseknan nga umawat.

Panagyaman, pannakidanggay iti pagdur-asan iti agkakabarangayan ken grupo dagiti mannalon iti maawatda a pagimbagan iti naipeksa dagiti benepisiario dagitoy a naited a pagimbagan. Impaganetgetda pay iti umisu a pannakataripato dagitoy a maited a ramit tapno mabayag iti usarna ken produktibo dagiti mangusar kadagitoy.

Naaramid ti Blessing dagiti Farm Machineries and Equipments babaen iti panangannong ni Rev. Fr. Rene Leo Rosabia, Parish Priest ti Cabugao Catholic Church. Kalpasanna, naaramid ti group picture ken panagtutulag dagiti Opisiales ti Asosasion ti mannalon.

Nagpaay a Facilitator da Mr. Edgar S. Balangatan  ken ni Federated Farmers President Modesto P. Ronque iti nadakamat a panagtitipon. # (Web In-Action)