Cabugao, Ilocos Sur – Babaen iti panangipatungpal ti Opisina ti Human Resource Management Office/Public Employment Service Office (PESO) ti LGU-Cabugao nga imatonan ni HRM Officer Miss Teresita Maximina “Mimie” S. Sison, naorganisar dagiti barangay a masakupan daytoy a programa ti Department of Labor and Employment (DOLE) ditoy nga ili ket naala dagiti TUPAD Workers ket umuna a naipakat iti Barangay Turod-Patac; Barangay Sagayaden ken Barangay Pug-os ken nagrugida a nagobra idi Enero 3, 2019.
Kabayatanna, imbatad ni Edgar S. Balangatan, Program Coordinator a maiyimplimentaren iti 33 a barangay ti ili a Cabugao daytoy a programa ket ma-recruit iti 26 nga agtrabaho babaen iti panangimanehar dagiti Opisiales ti Barangay ket marugian iti mabiit.
Daytoy a programa ti Ahensia ti DOLE ken iti LGU ket maysa a community-based short-term employment para kadagiti underemployed ken seasonal workers nga agpaut iti 10 nga aldaw. Daytoy ket akemen pay ti Public Employment Service Office (PESO) iti pannakaipatungpalna. Maikkan ti cleaning paraphernalia dagiti recipients a mapili kadagiti nadakamat a barangay a pakaiyusuatanna.
Monitoren met ni Mr. Edgar S. Balangatan, pannakabagi ti LGU-Cabugao iti panagtrabaho dagiti TUPAD Workers agingga a maileppasda iti nadakamat a maipaaramid a trabahoda. # (Web In-Action)
No comments:
Post a Comment