GAPUANAN TI MFARMC 2013, NAAMMUAN

Cabugao, Ilocos Sur –Maibatay iti Accomplishment Report a naggapu ken ni Mr. Danny S. Garcia, Chairman, Municipal Fishery and  Aquatic  Resource Management Council (MFARMC), dagiti sumaganad ti nagapuanan ti nasao a Konseho iti Tawen 2013:

Mangrove Area Reforestation	25 has.	Continuous mangrove replanting in Coastal barangays; 307,500 bakawan planted.
Coastal Clean-up	7 Coastal barangays	Continuous clean-up to 7 Coastal barangays conducted.
Provision of Gillnet	7 units	Provided Gillnet units to Barangay Officials
Fish Sanctuary Rehabilitation	3 sets	Provided Fish sanctuary rehabilitation materials.
Establishment of Fish Cage	1 Fish cage	Fish Cages established in Brgy.  Dardarat.
Establishment of Fish Hatchery	1 unit	Established Fish Hatchery Project in Brgy.  Dardarat.
Establishment of Fish Trap	10 units	Fish Traps were awarded to Western Salomague Fishermen Association.
Planting of Coconut Seedlings		Coconut Seedlings were delivered in Cabugao for planting especially in coastal barangays from the Philippine Coconut Authority.
Provision of Payao's	16 units	Provided Payao to Fishermens Association.
Life Saving Devices		Life Saving Devices was given to  Fishermen Associations.
Eucheuma Project	300 kg	Eucheuma Seaweeds were given to Fishermen,  & 4P's Beneficiaries in Brgy. Dardarat.
Meetings	4 meetings	Conducted Quarterly meetings.
	2 meetings	Attended PFARMC Meetings.
Training/Seminar	1 Training Seminar	Training on Co-Culture Management of Sea Urchin & Seaweeds  at  Brgy Sabang.
Consultation/Dialogue	1 Consultation meeting	Meeting conducted with the participation of Fishermen Leaders & LGU.

Maibasar pay iti nadakamat a Report, naibinsa maipapan  iti panangtarawidwid iti Coastal Resource Management kas iti pannakaited dagiti proyekto, panangmanehar/panangmonitor  kadagitoy ken panangasikaso iti operasion dagiti asosasion nga adda iti salinong ti Konseho.

Kangrunaan pay a nagtaudan dagiti proyekto/programa  a naited kadagiti Fishermen Associations  ket manipud iti Ahesia ti Bureau of Fisheries and Aquatic Resources (BFAR)-Region 1/LGU Provincial;  LGU Cabugao nga idauluan ni Mayor Edgardo S. Cobangbang, Jr.; DENR-ENRMO; PCA;  OISCA-Japan ken iti CSC Vigan City no maipapan iti Coastal Clean-up ken iti Mangrove Planting. # (Web In-Action)

NABENDISIONAN DAGITI BARO A LUGAN TI LGU CABUGAO

Cabugao, Ilocos Sur – Nabendisionan dagiti baro a mainayon a lugan ti Local Government Unit (LGU)-Cabugao babaen iti panangannong ni Rev. Fr. Amador “Amy” Cabaluna, Assistant Parish Priest, Cabugao Catholic Church idi Pebrero 3, 2014 iti sango ti Presidencia (Municipall Hall ti ili).

Indauluan da Mayor Edgardo “Ediboy” S. Cobangbang, Jr. ken ni Vice Mayor Deogracias Jose “DJ” H. Savellano agraman dagiti kameng ti Sangguniang Bayan a nangimatang iti pannakabendision dagiti nadakamat a lugan.

Dagitoy a lugan ket managan iti Hi-Ace Super Grandia (White Pearl) ken ti  Suzuki Multicab Van nga indonar ti City of Makati, Sisterhood Municipality iti ili a Cabugao, Ilocos Sur. # (Web In-Action)

NINIO JESUS, MAISARUNGKAR KADAGITI UMILI

Cabugao, Ilocos Sur – Naipasiar ti Imahen ni Ninio Jesus kadagiti umili kadagiti barangay ti Poblasion babaen iti Benneg dagiti Babbai iti St. Mark the Evangelist Parish Church, Cabugao Catholic Church, Cabugao, Ilocos Sur nangrugi idi Pebrero 3, 2014.

Naipan ti Imahen iti pasdek ti Munisipio ket sinarabo ni Mayor Edgardo “Ediboy” S. Cobangbang, Jr. apaman a naiserrek  ti Ninio Jesus iti mismo nga Opisinana a binayabay ti pamilia-LGU ken dagiti Catholic Women a nangannong kadaytoy nga aktibidad.

Kabayatanna, kastoy met ti inaramid dagiti Women Sector iti Philippine Independent Church (PIC) ti ili a Cabugao, Ilocos Sur kas panangannurotda iti Selebrasion ti “Candelaria”  a paset ti Doktrina ti Simbaan-da kas Tradision  ti umuna a pannakaisarungkar dagiti umuna a mayanak nga ubbing ti Pamilia a maisarungkarda iti Simbaan para iti Apo. Nangrugida met a nangipasiar ken ni Ninio Jesus idi Pebrero 3, 2014 ditoy Poblasion ken kadagiti dadduma a  barangay a maserbisyuan ti Sekta ti PIC. # (Web In-Action)

BARO A “SIGNAGES”, NAIPATAKDER

Cabugao, Ilocos Sur – Naipatakder dagiti baro a pagsenialan a mangibagnos ti  papanan iti paset dagiti kangrunaan a pagturturongan dagiti Turista, Balikbayan, Bakasionista ken para iti publiko a maisar-ong iti ili ti Cabugao kas iti sumaganad: manipud iti Arko iti parte ti Brgy. Baclig iti sumrekan ti Highway   nga agturong iti Brgy. Turod,  Puerto ti Salomague, Brgy. Salomague, Brgy. Dardarat, Brgy. Daclapan, Brgy. Namruangan, ken  iti  Brgy. Sabang, Cabugao, Ilocos Sur.

Segun ken ni Municipal Engineer Crescencio  Marcos C. Formoso a nangidaulo ti pannakaipatakder dagitoy a pagsenialan ket  naipasdek dagitoy babaen iti Direktiba ni Mayor Edgardo “Ediboy” S. Cobangbang, Jr. tapno maipaay iti umisu a direksion a suroten dagiti bisita a maisar-ong ditoy ili ti Cabugao nangruna ita ta adda dadakkel nga aktibidades a maaramid kas iti Cabugao Global Reunion iti bulan ti Pebrero 2014 ken iti umadani a panagpiesta ti ili iti bulan ti Abril 2014.

Malaksid itoy, naipasdek pay sakbayna dagiti “signages”  nga impaay ti LGU Cabugao kadagiti igid ti Kalsada Nasional iti las-ud ti ili  ken iti  pagpikoran ti Poblasion. # (Web In-Action) 

BARO A LUGAN TI LGU CABUGAO, NAISANGPET

Cabugao, Ilocos Sur – Dua a lugan ti LGU-Cabugao iti mainayon a mausar iti agdama   ken naisangpetda idi Enero 31, 2014 ditoy Munisipio ti Cabugao.

Maibatay iti rekord ti General Services Office (GSO) ti LGU-Cabugao, ginatang ti Gobierno Munisipal ti maysa a Hi-Ace Super Grandia (White Pearl Color) idinto ta indonar ti City Government ti Makati iti  maysa a Suzuki Multicab,  Utility Vehicle. # (Web In-Action)

BAGSAKAN TI NATENG, AGOPERAR MANEN

Cabugao, Ilocos Sur -  Nangrugi manen nga agoperar ti Bagsakan ti Nateng iti igid ti National Highway iti asideg ti NISTC Public Market ket uray iti rabii ket agipalpalugan dagiti Vegetable Growers kadagiti Trakan/Bus  nga agpaabagatan partikular iti mapan iti  Urdaneta, Pangasinan ken iti Balintawak, Metro Manila.

Segun ken ni Mr. Armando Azcueta, Presidente,  Cabugao Vegetable Growers and Producers Association, umab-abot ti 7,000 a kilos (7)  a Tonelada a kaaduan iti bunga ti Sili ti maipatpatulod dagiti Vegetable Growers kadagiti agangkat a sukida iti ruar ti ili.

Iti kasta, innayon ni Mr. Azcueta nga inisiatibada ti nangipasdek ti pagsilawan  dagiti agipalugan iti disso ti Bagsakan nangruna iti rabii babaen iti itutulong ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Insupusop pay ni Mr. Azcueta a sagsagrapen ita dagiti padana nga agnatnateng iti napintas a presio nangruna iti sili ket namnamaenda ken agyamyamanda iti agtultuloy a suporta ti LGU Cabugao kadagiti sumaruno a gannuatda a mangpapintas ti kasasaadda nga agmulmula ken agnegnegosio iti nateng. # (Web In-Action)

NANGABAK NGA ENTRIES TI SIGLAT AWARDS 2013, NAIPAKAAMMO

Cabugao, Ilocos Sur – Maibatay iti pakaammo manipud iti Opisina ni Governor Ryan Luis V. Singson ti Probinsia ti  Ilocos Sur a napetsaan ti Enero 27, 2014, naipalaon iti surat  ti Gobernador a naiturong ken ni Mayor Edgardo S. Cobangbang, Jr. ti listaan dagiti Champion/Runners-up a Barangay Entries  ti ili a Cabugao maibatay iti resulta ti On-site Validation dagiti SIGLAT Evaluators kas iti sumaganad:

Champion
1.Most Healthy Barangay – Brgy. Pug-os
2.Best in Nutrition Program Implementtaion – Brgy. Pug-os
3.Best in Solid Waste Management – Brgy. Bonifacio
4.Best in Coastal Resource Management – Brgy. Dardarat
5.Best in Agricultural Productivity – Brgy. Turod Patac
6.Best in Fish Production & Aqua Culture Development (Large Scale) – Brgy. Salomague
7.Best Performing Barangay – Brgy. Pug-os
8.Outstanding Sangguniang Baran gay – Brgy. Pug-os
9.Outstanding Punong Barangay – Brgy. Pug-os
10.Best in Barangay Tree Park – Brgy. Lipit
11.Best in Gender and Development Program Implementation - Brgy. Pug-os
12.Best in PWD Program Implementation – Brgy. Bonifacio
13.Best in Fish Production & Aqua Culture Development – Brgy. Dardarat
14.Best in Organic Farming Program Implementation – Brgy. Pug-os
15.Outstanding Barangay Based Cooperative – Brgy. Sagayaden
16.Outstanding Farmers Association – Brgy. Bungro
17.Outstanding Fishermen’s Association – Brgy. Namruangan
18.Most Outstanding Bantay Dagat – Brgy. Dardarat
19.Outstanding 4-H Club – Brgy. Bonifacio
20.Outstanding RIC – Brgy. Nagsantaan
21.Outstanding Barangay Health Worker – Brgy. Carusipan
22.Lupong Tagapamayapa – Brgy. Pug-os

Ist Runners-up
1.Most Child Friendly Barangay – Brgy. Bonifacio
2.Best Innovative Practice – Brgy. Dardarat
3.Best in Barangay Intensive Gardening – Brgy. Pug-os
4.Best in Barangay Herbary – Brgy. Pug-os
5.Most Functional BADAC – Brgy. Aragan
6.Best in Elderly Welfare Program Implementation – Brgy. Bonifacio
7.Best in Youth Development Program Implementation- Brgy. Bonifacio
8.Best in Sports & Physical Development Program Implementation – Brgy. Bonifacio
9.Outstanding Barangay Secretary – Brgy. Pug-os

2nd Runner-up
1.Best in Tourism Promotion – Brgy. Dardarat
Pakabuklan ti nangabak a 32 a Barangay Entries iti 12 a Barangay a nakisalip  iti Munisipalidad ti Cabugao.
Naipakaammo pay iti surat ti Provincial Chief Executive a maangay ti Siglat Awarding Program iti  Pebrero 3, 2014 iti 1:00 P.M. iti Quirino Stadium, Bantay, Ilocos Sur. # (Web In-Action)