NASAKNAP A MASS IMMUNIZATION, MAANG-ANGAY

Cabugao, Iloos Sur – Maar-aramid ita ti Mass Vaccination kadagiti ubbing babaen iti panangisayangkat dagiti Medical Personnel ti Municipal Health Office-RHU Cabugao nga idauluan ni Dr. Bernardo M. De Gracia, OIC Municipal Health Officer.

Daytoy a nasaknap a panagbakuna ket maikonsentrar iti panglapped ti sakit a Kamuras, Polio, Neumonia (uyek a pugiit), segun iti RHU Staff. Nairugidan  dagiti Medical Personnel a mapan agbakuna ti ubbing  iti kada barangay ti ili a Cabugao tapno maantisiparan ti panagraira ti virus iti nasao a sakit.

Kabayatanna, pinasingkedan pay ni Ms. Jeannette Garcia, Public Health Sanitary Inspector iti LGU-Cabugao a mapukpukawen ti insidente ti Dengue maigapu ta naadalanen dagiti umili iti naan-anay a panangliklik iti pakaigapuan ti  nasao a sakit babaen iti agtultuloy a panangtarabay ti LGU-Cabugao ken ti Departamento ti Salun-at (DOH) kadakuada.

Inulit ni Mrs. Garcia dagiti nasamay nga addang a pinangparmekda iti Dengue Occurrence kas iti sumaganad: 

1. Iraman dagiti RHU Personnel nga ibagbaga iti kada pasienteda iti inaldaw iti nasken nga aramidenda tapno maliklikn ti pannakakagat ti agranggas a lamok ken no kasano a paksiaten ida.

2. Pannakaiwayat ti nasaknap nga “Oplan Taob” a kangrunan a katinnulong ti DOH-LGU  dagiti Opisiales ken kameng ti barangay ti ili.

3. Makoordinar dagiti ospital pribado/pampubliko  iti uneg ti ili kasta met kadagiti kadarapat nga ili tapno ti maseknan a kinapet ti dengue nga agnaed ditoy nga ili ket matulongan pay  a mangsaranget kadayta a sakit.

4. Mawarasan ti amin a household ti barangay iti OV-Trap tapno masigud a makeltay ti itlog ti lamok a mangpataud ti dengue no mapalusposan a dumakkel daytoy.

5. Maaramat pay ti de-fogging iti apektado a disso no nasaknapen ti panagwaras dagita a makadangran a lamok.

6. Agtultuloy a kooperasion ti tunggal Ahensia a manglapped iti itataud daytoy a sakit. # (Web In-Action)

BFP CABUGAO MOVERS - CABUGAO RESCUE TEAM-FIRST RESPONDERS

As a refresher of skills, BFP Cabugao Movers in the person of FO2 Tony Simbe and FO2 Russel Savella as representatives joined the duly accomplished Water Search and Rescue (WASAR) Training of the Philippine Disaster Risk Reduction Management Council (PDRRMC).

The training lasted for three days, from August 27 to 30, 2014 at Ove Mar Resort, Sta. Catalina Ilocos Sur. The objective of the said training was to train a rescue team first responder for the Municipality of Cabugao. Representatives from Philippine National Police and Local Government Unit of Cabugao also underwent the training. 

SABALI PAY A FINANCIAL ASSISTANCE, MAIPAAY KADAGITI MASEKNAN

Cabugao, Ilocos Sur – Maikkan dagiti lima a maseknan nga umili ti Cabugao, Ilocos Sur iti Financial Assistance a dagitoy a natulongan  a Pamilia  ket agnanaedda  iti Brgy. Daclapan, Lipit, Sabang, Cuancabal ken Cael-layan ket umabot iti gatad ti  P92,000 ti awatenda  a naggapu iti DSWD Regional Field Office 1, San Fernando City, La Union.

Inimatangan dagiti kameng ti Konseho Munisipal ti ili nga isuda SBM Danilo  Q. Gazmen, SBM Vicky S. Serna, SBM Dr. Jemaima S. Tan Yee, SBM Dodgie S. Santella, SBM Benedicto M. Savellano, SBM Jayhan Alcid Tan ken SBM Josefina S. Vallejo, Bryann Jett S. Pano  iti pannakai-turnover dagiti nadakamat a  gatad iti  Setiembre 1, 2014 iti Municipal Conference Building, Cabugao, Ilocos Sur.

Nagtaud daytoy a tulong manipud iti Extended Aid to Individual  in Crisis Situation (AICS) a programa ti DSWD ken LGU-Cabugao  para kadagiti maseknan nga isuda Perfecto Morales ti Brgy. Caellayan (mausar a para Chemotherapy ti asawana, P25,000); Jesusa Silvania, Brgy. Daclapan (pagpaagas ti sakit, P25,000); Madelene S. Salviejo (nag-minatay, P10,000); Rowena S. Espiritu, Brgy. Sabang (pagpaagas ti sakit, P25,000); ken Ryan Boy S. Rimarim, P7,000, pagpaagas ti sakit). Dagiti     immawat ket nagtaudda iti marigrigat a pamilia a maibasar iti  resulta ti Assessment ti National Household Targeting (NHTS) System iti kallabes iti  nasao nga Ahensia.

Nakikaysa met kadaytoy a turnover ni Mrs. Lydia S. Gazmen, Municipal Social Welfare Officer iti ili a Cabugao, Ilocos Sur. # (Web In-Action)

NAINAYON A SILAW ITI NATIONAL HIGHWAY, PROYEKTO TI DPWH

Cabugao, Iloscos Sur – Kabayatan iti pannakatarimaan ti paset ti  Manila North Road (MNR) iti mabatogan ti Munisipalidad ti Cabugao manipud iti Kilometer 430+000 agingga iti Km. 435+000, naipasdek iti umabot ti 28 Sets ti Solar Street lights iti agsumbangir nga abaga ti Kalsada Nasional  babaen iti Department of Public Works and Highways (DPWH) ken pannakinaming ti LGU-Cabugao, Ilocos Sur iti nadakamat nga Ahensia.

Segun ken ni Municipal Engineer Crescencio Marcos C. Formoso, dagitoy ket nainayon a pagsilawan a kas mayannatup iti rehabilitasion ti nasao a Kalsada Nasional a mabatogan ti ili. # (Web In-Action)

TRANSAKSION, SISTEMATIKO A MAAYWANAN ITI CABUGAO DAYO

Cabugao, Ilocos Sur – Segun ken ni Dr. Melvin G. Castro, DVM, Municipal Livestock Coordinator
a kaaduan nga animales a maparti iti Tiendaan (NISTC Public Market) kas iti nuang ken baka ket maaramid nga umuna  ti transaksion iti uneg ti Dayo. No adda man maiserrek nga aggapu iti ruar a maparti ket saanda nga ipalubos a maaramid daytoy ta maisalungasing iti napagtutulagan ti Asosasion a maiserrek iti Kaha ti Dayo ti pagbayad ti tunggal transaksion iti panagginnatang a kaibatogan ti  P200 tunggal ulo.

Kas iti sigud, nabun-as latta dagiti nuang ken baka a nai-dayo idi Agosto 30, 2014  ket kaaduan ti nagatang a para-parti babaen kadagiti kameng ti Cabugao Meat Vendors/Butcher’s  Association iti NISTC- Public Market, Cabugao, Ilocos Sur.

Napintas met ti pannakausar  dagiti puonan ta maisubli a dagus iti naituding a pannakabulodna ket sublaten met ti sabali a Trader/Koridor tapno sapasap nga agrikus ken mabenepisiaran ti sapasap a kameng ti Asosasion, segun pay iti Tesorero ti Cabugao Dayo a ni Mr. Rudy Quileza. 

Daytoy nga asosasion ket agtultuloy a tartarabayen ti LGU-Cabugao a mangkomplementar kadagiti programa/proyekto  para iti pagsayaatan ti industria ti livestock ditoy nga ili. # (Web In-Action)

MUNICIPAL ADVISORY COUNCIL (MAC), NABUKEL

Cabugao, Ilocos Sur – Nabukel  ti  Municipal Advisory Council (MAC)  ti ili ti Cabugao, Ilocos Sur ken nagsapata dagiti kamkamengna  idi Agosto 29, 2014 iti Municipal Conference Building ti Munisipio ti ili.

Pinagsapata ni Mayor Edgardo S. Cobangbang, Jr. dagiti kameng ti nasao a Konseho.  Naangay ti Oath-taking Ceremony iti Municipal Conference Building.

Panggep ti MAC ti makaurnong iti suporta ti Local Government Unit (LGU), Stakeholder, Legal Counsel, Non-Government Organization (NGO) ken  pribado nga ahensia tapno adda katulongan ti PNP iti Integrated Transformation Program ti  Philippine National Police babaen iti Performance Governance System.

Napagkaykaysaan ti panagatendar dagiti Opisiales ti Konseho babaen iti awis ni PNP Chief Inspector William Nacionales Nerona ti ili a Cabugao.

Dagiti kameng ti MAC-Cabugao ket dagiti sumaganad: Fe Marie F. Valdez, Media; Jeremy S. Seguban, Business Sector; Mrs. Melvi S. Sajonia, Principal II, Academe; Mr. Rudy Ilar, Religious Sector; Atty. Rosario Vitamog Palisoc, Legal Counsel; SB Secretary Maxfel S. Suboc, Legislature; Mrs. Estrellita  M. Siruno, Principal II, Academe;  Rodel P. Suniega, Principal I, Academe  ken ni MLGO Officer Constancia L. Quinola ti ili a Cabugao. # (Web In-Action)

BUWAN NG WIKA, SINELEBRARAN TI CABUGAO SOUTH CS

Cabugao, Ilocos Sur – Sinelebraran ti Cabugao South Central School, Brgy. Bonifacio, Cabugao, Ilocos Sur ti Buwan ng Wika nga addaan ti Tema: Wika ng Pagkakaisa” idi Agosto 29, 2014 iti CSCS Quadrangle ti nasao a pagadalan.

Narugian ti panagselebrar babaen ti panagkararag ni Cherrise Keesha M. Nitcha. Kalpasan ti Pambansang Awit, impaay ni Mikaella Rose Sabio ti Bating Pagtanggap.

Nangted ti Mensahe ni Gng. Melvi S. Sajonia, Schpopl Proncipal II. Inawisna ti amin a nagatendar a buyaenda ti naisangsangayan nga insagana ti pagadalanda iti panangselebrarda  ti pannakaipasngay ti Nailian a Pagsasao a Tagalog iti bulan ti Agosto.

Naisaruno  ti Paradang Kasuotan dagiti agad-adal a babbai ken lallaki babaen iti nagduduma nga estilo ti aruatda a dagitoy ti agsasalip iti Ginoong  at Binibining Wika. Nagpabuya dagiti Grade 1 ti Acrostic, Sala met ti Kindergarten kasta metten ti SPED Children. 

Kalpasan dagiti Intermisyon Number, nangipaay ti Mensahe ni Mayor Edgardo “Ediboy” S. Cobangbang, Jr.  ket kimmablaaw ken nagyaman ta napintas ti pannakaisagana daytoy a programa ti Cabugao South Central School iti tinawen a panagselebrarna ti Buwan ng Wika. Kinablaawanna pay dagiti bisita a nag-Hurado pay ti dadduma iti pasalip nga isuda Ms. Daisy Sajor, Mrs. Erlinda S. Guerrero, Mrs. Herminia S. Cacho, Mr. & Mrs. Peter Azcueta ken da Mr. & Mrs. Tony Overhue.  

Pinadayawan ni Mayor Ediboy ti kinaregta dagiti Teachers, agad-adal ken nagannak/Guardians ta awan ti pangisukatanna iti napintas a gapuananda kadagiti programada kadagiti pageskuelaan ken iti panagkaykaysada a mangpasayaat ti pagadalanda ken pannakikammayetda iti Gobierno Munisipal para iti pagimbagan dagiti ub-ubbing ken iti  pagadalanda.

Bininsa ti Ama ti Ili ti pateg ti Nailian a Pagsasao a kas maysa a napateg a ramit iti panangtun-oy ti nakaysa a kagimongan ti Pilipino partikular kadagiti umili ti Cabugao, Ilocos Sur.

Nag-mensahe met ni SBM Dr. Jemaima S. Tan-Yee, Committee Chair on Education. Kimmablaaw ken dinayawna ti maipakpakita a kinaresponsable dagiti ubbing ta isuda ti katulonganen  dagiti Teachers a mangtarawidwid iti programa iti pannakaselebrar ti pannakaipasdek ti Wikang Pambansa. Innayonna a napateg a lagipen daytoy a naipatawid a saguday dagiti agad-adal a Pilipino.

Naisaganad ti Headstart-Sayaw; Grade II, Awit/Sabayang Pagbigkas; Grade III, Sayaw; Grade IV, Awit/Tula; Grade V, Awit/Tula; Grade VI, Sabayang Pagbigkas/Awit.

Nagpaay a Hurado da Mrs. Eufrocina N. Pante, Miss Daisy Sajor ken ni SBM Dr. Jemaima S. Tan-Yee, Chairwoman.

Iti Awarding Ceremony, kinoronaan da SBM Dr. Jemaima S. Tan Yee ken ni Mr. Tony Overhue ti Ginoong at Binibining Wika 2014, Sash iti Parent/Adviser ken Trophy da Mr. & Mrs. Peter Azcueta, Donors.

Sash ken Trophy met ti inyawat da Mrs. Erlinda S. Guerrero; SBM Dr. Jemaima S. Tan Yee ken Trophy da Mr. & Mrs. Tony Overhue, Donors iti G. at Bb. Balagtasan.

Iti biang ti G. at Bb. Makata, Sash ti inyawat da Mrs. Eufrocina N. Pante ken ni Mrs. Herminia S. Cacho ken Trophy ni Miss Daisy Sajor, Donor.

Mensaheng Pasasalamat ti impaay ni Mr. Edgardo P. Sajonia. Nagyaman iti amin a nagatendar kasta met dagiti Opisiales Lokal iti ili a nakidanggay ken iti  naballigi a pannakaipatungpal ti selebrasion ti Buwan ng Wika ti  Cabugao South Central School. # (Web In-Action)