FINANCIAL ASSISTANCE, NAITED

Cabugao, Ilocos Sur - Inawat ni Mr. Henrico Sistoza nga agindeg iti Brgy.Rizal, Cabugao, Ilocos Sur iti gatad a P25,000  a Financial Assistance a naggapu iti DSWD Regional Office 1.

Ti nasao a gatad ket naited iti Opisina ti Mayor babaen kada Mayor Edgardo “Ediboy” S. Cobangbang, Jr. a kaduana  ni MSWD Officer Mrs. Lydia S. Gazmen idi Agosto 19, 2014.
Daytoy a gatad ket    maiserbi a pagpaagas  iti  maseknan a natulongan maipanggep iti sakit. # (Web In-Action)

REGULAR MEETING TI LIGA NG MGA BARANGAY SECRETARIES, NAANGAY

Cabugao, Ilocos Sur – Naangay ti miting ti  Liga ng mga Barangay Secretaries ti ili a Cabugao, Ilocos Sur a nagatendaran dagiti Barangay Secretary iti 33 a barangay nga idauluan ni Brgy. Secretary Amador Salom iti Barangay Lipit.

Nag-Preside ni Mrs. Connie L. Quinola, MLGO Officer ti LGU-Cabugao  ket kangrunaan a natratarda iti Re-cap iti inadalda iti papanda panagatendar ti seminar idiay Baguio City idi Agosto 13-15, 2014 kasta pay dagiti pagkurangan iti isubmiterda a Barangay Annual Development Plan ti  CY 2014.

Naballigi a natratar dagiti dadduma  a pakaseknanda iti nasao a miting. # (Web In-Action)

BUWAN NG WIKA, SINELEBRARAN TI CABUGAO NORTH CS

Cabugao, Ilocos Sur – Naangay ti pannakaselebrar ti Buwan ng Wika nga addaan ti Tema: “Wika ng Pagkakaisa” idi Agosto 20, 2014 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti ubbing nga agad-adal, mangisursuro, nagannak, bisita, PTA Officials ken Municipal Officials nga idauluan ni Mayor Edgardo “Ediboy” S. Cobangbang, Jr.

CLICK PHOTO TO VIEW MORE....

Nagkadua ti aktibidad ti panagselebrar. Naangay ti pakontes ti Pagbigkas ng Tula, Solong Pag-awit, Paggawa ng Slogan, Paggawa ng Poster, Pagsulat ng Sanaysay, ken Pagbuo ng Mensahe sa tulong ng mga Salita iti kabigatan dayta a petsa.

Kamalmanna, naangay ti programa iti Cabugao Cultural and Sports Complex. Kalpasan ti pannakaidaton ti kararag babaen iti CNCS Choir, nangted ti Pambungad Salita ni Marcus Railey Vicente, Pangulo ng Inang Wika. Naisaganad ti Intermission Number sa naaramid ti panamagsapata ni Mrs. Estrellita M. Siruno, Principal II, Cabugao North CS kadagiti Opisiales ti Samahan ng Inang Wika. Nangipaay met ti Mensahe ni Mrs. Siruno ket bininsana ti pateg ti Nailian a Pagsasao iti Filipino a kas giya ken direksion ti pagadalan ken dagiti agad-adal iti panagbalinda a natulnog nga umili.

Naisaganad a naiyam-ammo dagiti agsasalip iti G. at Bb. Inang Wika kasta met dagiti nagserbi a Hurado a da Ms. Dinia Somera, Ms. Constancia Sonido ken ni Ms. Lorna Salom. Nailawlawag met dagiti Kriterya ti pakontes babaen kadagiti Pupils Facilitators ti programa.

Naipresaenta ti Pagbigkas ng Tula babaen iti nangabak iti Grade 1 ken II.

Nag-mensahe ni SBM Dr. Jemaima S. Tan-Yee, Committee Chair on Education. Kimmablaaw ken dinayawna ti maipakpakita a kinaresponsable ti ubbing a mangselebrar iti pannakaipasdek ti Wikang Pambansa babaen ken daydi Nag-Presidente Manuel L. Quezon. Innayonna a napateg a lagipen daytoy a naipatawid nga identidad dagiti agad-adal a Pilipino.

Naipabuya ti Katutubong Sayaw, Balagtasan, Deklamasyon ken Pag-awit babaen kadagiti napili nga ubbing kadagiti Grade Levels a nakisalipanda. Naipakaammo dagiti nangabak a nakikontes iti panagaramid ti Slogan, Poster, ken Pagsulat ng Sanaysay babaen ken ni Ms. Digna  Talusig.

Nangipaay ti Mensahe ni Mayor Ediboy ket kimmablaaw ken nagyaman ta napintas ti pannakaisagana daytoy a selebrasion ti Cabugao North CS iti tinawen a panagselebrarna iti Buwan ng Wika. Pinadayawan ni Mayor Ediboy ti kinaregget dagiti Teachers, agad-adal ken nagannak/Guardians ta awan ti pangisukatanna iti napintas a gapuananda kadagiti programada iti pageskuelaan ken iti panagkaykaysada a mangpasayaat ti pagadalanda ken pannakikammayetda iti Gobierno Munisipal para iti pagimbagan ti pagadalanda.

Bininsa ti Ama ti Ili ti pateg ti Nailian a Pagsasao a kas maysa a napateg ken epektibo a ramit iti panangtun-oy ti nakaysa a kagimongan ti Pilipino partikular kadagiti umili ti Cabugao, Ilocos Sur.

Kalpasan dagiti nagduduma a naipabuya dagiti Grade Levels, nagsarita ni PTA President Armando Azcueta ket pinagyamananna ti amin nga adda akemna a nangpaballigi ti programa ti panagselebrar ti Buwan ng Wika. Pinagyamananna pay ti kankanayon a pannakikaysa ti LGU-Cabugao iti liderato ni Mayor Ediboy kadagiti programa ken pakaseknan iti pannakapasayaat ti pagadalan ti Cabugao North Central Scool.

Indauluan ni Mayor Ediboy dagiti Municipal Officials ken bisita a nangisaad kadagiti pammadayaw a nagun-od dagiti nangabak iti Ginoong at Binibining Wika.

Nagpabuya met dagiti Grade 1 Pupils ken Kindergarten. Closing Remarks ni Gng. Liezel C. Sol, Koordinator sa Filipino. Nagyaman iti amin a nagatendar ken ti naballigi a selebrasion ti Buwan ng Wika ditoy a pagadalan. # (Web In-Action) 

CLICK PHOTOS TO VIEW MORE...

CIVIC ACTION, DADDUMA A HIGHLIGHTS ITI B-DAY NI MAYOR EDIBOY

Cabugao, Ilocos Sur – Nailunsad ti Supplemental Feeding Program kadagiti Day Care Center dagiti barangay iti sabali manen a deretso nga innem a bulan a pannakapakan iti nasustansia a taraon kadagiti ubbing babaen kadagiti Day Care Teachers  ken panangipatungpal ti LGU-MSWDO Cabugao ken ti DSWD-Region 1.

Maysa pay daytoy nga aktibidad a nangkulminar iti Birthday ni Mayor Edgardo “Ediboy” S. Cobangbang, Jr. iti aldaw ti Agosto 18, 2014 a kaaldawan ti panagkasangayna. 

Dagiti dadduma  nga aktibidad a nang-highlights iti panagkasangay ti Ama ti Ili ket dagiti sumaganad:

1.Pannakainagorar babaen ken ni Mayor Ediboy dagiti nalpas a proyekto iti imatang dagiti Municipal ken Barangay Officials kasta met dagiti lumugar kadagita a barangay kas iti Concrete Farm-to-market road ken naaramid nga slope protection idiay Brgy. Cael-layan; concrete FMR ti Barangay Catucdaan; slope Protection ti Barangay Sisim; naaramid nga slope protection iti Barangay Alina-ay ken iti rehabilitasion ti hanging bridge iti Barangay Cuantacla-Carusipan.

2.Pannakaaramid ti Vaccination a panglapped ti sakit ti ub-ubbing kas iti  pannakaited ti Oral Polio Vaccine (OPV) ken Rubella Vaccination (MMR) a pangkontra iti measles and mumps nga inggannuat dagiti Medical Personnel ti RHU-Cabugao kadagiti Day Care Centers iti Coastal Barangays ken pribado a pageskuelaan ti Kindergarten iti Poblasion.

3.Naangay ti Tree Planting Activity iti igid ti baybay ken iti ESC Demo Farm iti Barangay Sabang, Cabugao, Ilocos Sur a nagpartisiparan dagiti kameng ti Clean and Green ti Munisipio, Job Orders, Barangay Council, RIC, 4 P’s Members, 4 -H Club Members, BPATS ken dagiti lumugar iti Barangay Sabang.

Pinagyamanan ni Mayor Ediboy dagiti amin a nangkablaaw ken nagatendar iti selebrasion  agraman dagiti bisita ken gagayyemna a nakipagselebrar iti panagkasangayna. # (Web In-Action)

MAAR-ARAMID MANEN TI SUPPLEMENTAL FEEDING TI DAY CARE

Cabugao, Ilocos Sur – Nailunsad ti Supplemental Feeding Program ita nga School Year 2014-2015  kadagiti ubbing nga imatmatonan dagiti Day Care Workers (DCW’s)  kadagiti 32 a barangay ti Munisipalidad ti Cabugao nangrugi idi Agosto 18,  2014.

Mismo a dagiti Day Care Worker ti immay nagala ti kaibatogan nga alaenda a bagas a para iti panagpa-Feeding-da iti ituyangda nga eskediul. Rinuk-atan met dagiti pannakabagi ti MSWDO dagiti naited a kasapulan dagiti Day Care Workers kadaytoy nga usuat. Maaramid ti panagpakan kadagiti ubbing kadagiti aldaw a panagbasada iti deretso nga innem a bulan manipud iti panangrugi ti eskediul.

Iti pannakiuman ti Web In-Action ken ni MSWD Officer Mrs. Lydia S. Gazmen itay nabiit, kunana a tinawen a maar-aramid daytoy a programa a para kadagiti ubbing ket inaldaw a maikkanda ti suplementar a pagtaraon babaen ti panangisagana dagiti Day Care Workers kadagiti maluto a maipasango.

Innayon ni Mrs. Gazmen  nga umabot ti 750 nga ubbing ita a Tawen 2014 iti mabenepisiaran kadaytoy a gannuat ti LGU-Cabugao ken ti DSWD Region 1.  # (Web In-Action)

PROGRAMA TI KASANGAY NI MAYOR EDIBOY, NAANGAY ITI MUNISIPIO

Cabugao, Ilocos Sur – Kalpasan ti Flag Ceremony ti Pamilia LGU iti Agosto 18, 2014, naaramid ti programa a pangselebrar ti panagkasangay ni Mayor Edgardo “Ediboy” S. Cobangbang, Jr.

Napagtugaw ti Birthday Celebrant, Mayor Ediboy  a kaduana ni Miss Rosita Aquino, Retiree, iti sango dagiti Empleado ket kinablaawan/kinantaanda agraman dagiti Municipal Officials  iti Birthday Song iti Ama ti Ili.

Nangipaay ti pagyaman a sarita ni SB Secretary Maxfel S. Suboc ken ni Miss Rosita Aquino a nagtrabaho iti Sangguniang Bayan Staff ken impeksa met ti Retiree iti panagyamanna kadagiti amin a naitaripnong iti nakairamananna a  programa nga idauluan ni Mayor Ediboy.

Naisaganad ti pannakaited dagiti Award ken  Cash Prize kadagiti barangay a nakagun-od iti pammadayaw nga inted ti LGU-LGA  Tech, Inc. iti  Best Practices iti implementasion ti Solid Waste Management Program, kas iti sumaganad:

1st Prize – Barangay Salapasap ken P15,000 a kuarta.

2. 2nd Prize – Barangay Quezon ken P10,000 a kuarta.

3. 3rd Prize – Barangay Baclig ken P5,000 a kuarta. Nainayon a naited kadakuada ti Plaque of Recognition nga inted met laeng  ti LGU-LGA Tech., Inc. Nayawat dagiti pammadayaw kadagiti Kapitanes dagiti nadakamat a barangay agraman ti Konsehoda manipud ken ni Mayor Ediboy ken kasta metten a binayabay dagiti kameng ti Sangguniang Bayan nga idauluan ni Vice Mayor Deogracias Jose Victorino H. Savellano.

Simmaruno a naiturn-over dagiti uppat a water pump (Kubota RK 80) with complete accessories kadagiti Barangay iti Reppa-ac, Bato, Nagsantaan ken Cael-layan ket indauluan dagiti Kapitanes-da agraman dagiti kabarangayanda a nangawat ken ni Mayor Ediboy agraman dagiti Municipal Officials a timmabuno.

Naited met dagiti Fishnets kadagiti pannakabagi ti Fishermen Association ti Barangay Sabang.

Dadduma pay nga award ken pammadayaw a naited a  nangpangayed ti panagkasangay ni Mayor Ediboy ket dagiti sumaganad.

A.Naited ti Award kadagiti Regional  Winners iti Kakayahan 2014 para kadagiti Person with Disabilities (PWD’s) nga isuda Norman G. Pastor – 1st Prize, Cake Decoration kasta metten ken ni Arland Valencia, 2nd  Place ti Photography ket kaduada ni Mr. Dante Ullero, Presidente a nangawat kadagiti pammadayaw.

B.Napadayawan dagiti nagretiro iti serbisio-pub liko nga isuda: Oscar Belandres, Bonifacio Socias ken ni Rosita Aquino. Naikkanda iti butaka ken naited ken ni Miss Aquino ti gatad a P325,000 a naurnong a paset ti  benepisiona kabayatan iti panagserbisiona iti LGU-Cabugao.

Iti Mensahe ni Mayor Ediboy, kimmablaaw ken nagyaman iti adu a kablaaw ken  nabara a panagselebrar ti LGU-Family kasta metten dagiti Municipal Officials ken Barangay Officials a naitaripnong. Kinablaawanna ken nagyaman iti kablaaw nga impaay   dagiti amin a kameng ti  Departamento ti LGU-Cabugao iti panagkasangay ti Mayor Ediboy.

Innayon ni Mayor Ediboy a dagiti naited a makinaria ket impaay ti programa ti Bottom-up Budgeting (BuB) Program iti Department of Agrarian Reform (DAR) ket pinagyamananna dagitoy a sumangsangpet  a mainaynayon a proyekto a maited kadagiti barangay babaen iti napintas a pannakikammayet ti LGU-Cabugao kadagiti maseknan nga Opisina ken Ahensia.

Kalpasan ti Flag Ceremony, siraragsak ti amin a nagatendar ti programa a nagsubli kadagiti Opisinada iti Munisipio. Maangay met ti reception  iti Cabugao Cultural and Sports Complex iti pangngaldaw a pangkulminar iti panagkasangay ni Mayor Ediboy ita nga aldaw ti Agosto 18, 2014. # (Web In-Action)

INTER-AGENCY TREE PLANTING, INYUNA TI LGU-CABUGAO

Cabugao, Ilocos Sur – Naaramid ti Tree Planting Activity  nga inyuna  ti Pamilia – LGU Cabugao nga indauluan ni Mayor Edgardo “Ediboy” S. Cobangbang, Jr.  kasta metten a nakipaset  dagiti pannakabagi ti  Opisina/Ahensia  a naisalinong iti Gobierno Lokal a kas iti DILG-MLGOO, PNP-Municipal Police Station ken ti Bureau of Fire Protection-BFP Cabugao, Opisiales ti Barangay ken Asosasion ti Mannalon ken  kasta pay dagiti 4 P’s Beneficiaries ti barangay, pannakabagi dagiti Public/Private High Schools ti ili  ken dagiti  mannursuro iti Cabugao DepED District nga indauluan ni Mrs. Estrellita M. Siruno, Principal II, Cabugao North Central School.

CLICK HERE TO VIEW MORE PHOTOS

Naaramid  ti panagmulaan iti agsumbangir a paset ti  National Highway   (Salomague Port Bound)  a mabatogan ti Barangay Turod, Cabugao, Ilocos Sur  kasta met   iti Riverbank a mabatogan ti Barangay Rizal ken ti Brgy. Baclig, Cabugao, Ilocos Sur idi bigat ti Agosto 16, 2014.

Impakaammo  ni MENRO-Designate  Edgar S. Balangatan, AT,  a nasapa a napan nagmula dagiti LGU Personnel kasta met iti kaaduan a pannakabagi dagiti nadumaduma a sektor ken Ahensia  ket nakipaset  met da Mayor Edgardo “Ediboy” S. Cobangbang, Jr. agraman dagiti Konsehales ti Sangguniang Bayan iti nasao a Tree Planting Activity.

Kaaduan a naimula a seedlings, segun iti MENRO ket iti 700 a pinuon a Bittaog,  200 a Manila Palm (Butchina) ken 75 nga Acacia. # (Web In-Action)