BLESSING & INAUGURATION TI CABUGAO MUNICIPAL HEALTH OFFICE, NAARAMID

Cabugao, Ilocos Sur – Nabendisionan ken nainaguraran  dagiti pasdek a mangbukel ti Municipal Health Office kas iti Rural Health Unit (RHU)  a nakairamananen  ti  Lying-In Center ken Dental  nga inatendaran  dagiti opisiales ti Gobierno Lokal nga idauluan ni Mayor Josh Edward S. Cobangbang; Pamilia-LGU; Opisiales ti BDO Foundation ken  BDO Unibank ken Health Officers and Staff iti Abril 26, 2019.

Immuna a naaramid ti Cutting of Ribbon babaen iti panangidaulo ni Mayor Josh Edward S. Cobangbang  a binayabay dagiti Opisiales ti BDO Foundation and BDO Unibank ken Health Officers and Staff.

Kalpasan ti panglukat a Kararag ni Rev. Fr. Felix Rene Leo Rosabia, Kura Paroko ti Iglesia Romano Katolika, kimmuyog dagiti nagatendar iti Padi nga immuneg iti laem dagiti napapintas a pasdek-salun-at  ket  immuna ti Lying-in Center/RHU Building  a nabendisionan.

Kalpasan ti pammendision, naaramid ti Unveiling of Marker  ket indauluan ni Mayor Josh Edward S. Cobangbang  a binayabay met laeng dagiti Opisiales ti BDO Foundation and BDO Unibank ken Health Officers and Staff daytoy nga aktibidad.

Naaramid ti Turn over and Acceptance Program iti basement ti baro a pasdek ti Munisipio. Nangipaay ti panglukat a Mensahe ni Mayor Josh Edward S. Cobangbang. Pinagyamananna dagiti kapartner ti LGU a nangpasayaat kadagiti pasdek ti salun-at ti Munisipio a pakaisagutan met laeng iti sapasap. Nangited met ti Mensahe dagiti Opisiales ti BDO Branch Office ti Cabugao.

Naaramid ti Signing of Deed of Donation with Deed of Acceptance iti pannakikammayet ni Mayor Josh Edward S. Cobangbang; Program Director ti BDO Foundation ken ti Committee on Health nga idauluan ni SBM Dr. Jemaima S. Tan-Yee. 

Naaramid pay ti Ceremonial Turn over of Key Acceptance Message on Behalf of the LGU babaen kada Mayor Josh Edward ken ni SBM Dr. Jemaima S. Tan-Yee.

Naikkan ti Plaque of Appreciation iti BDO Unibank kasta metten iti BDO Foundation. 

Pangserra a balikas ti inakem ni SBM Dr. Jemaima S. Tan-Yee, Chairman, Committee of Health. 

Pinagyamananna ti dakkel a naitulong ti BDO ken ti DOH iti rehabilitasion dagiti pasilidades ti salun-at iti Munisipio.

Nagatendar met iti nadakamat nga inauguration ceremony  da  MPDC and Concurrent  Budget Officer Florante S. Jara; SBM Vicky S. Serna; SBM Josefina S. Vallejo; MSWD Officer Mrs. Lydia S. Gazmen; Municipal Assessor Mrs. Lilia S. Flores; Municipal Civil Registrar Mrs. Rosario Corazon S. Abara ken RHU  Staff nga idauluan ni Mrs. Janet A. Sison.

Nagpaay nga Emcee ni Miss Teresita Maximina “Mimi” S. Sison. # (Web In-Action)

SALA SA PLASA, NARAGSAK A NAGBUYA DAGITI UMILI!

Cabugao, Ilocos Sur – Naaramid ti Sala sa Plasa iti karabiyan ti Abril 24, 2019 iti Cabugao Central Park (CCP), Brgy. Bonifacio, Cabugao, Ilocos Sur a  maysa kadagiti naisagana ti LGU_Cabugao a mangparagsak iti panagpiesta ti ili a nagpartisiparan dagiti Pageskuelaan iti  Distrito   ken dagiti lima a Secondary High Schools ti ili ken dagiti adu a nagbuya iti showdown iti umuna  a rabii ti Ragsak Cabugao Festival 2019. 

CLICK HERE TO VIEW MORE PHOTOS

Ni Mr. Dharen Jake R. Repollo ti nagpaay a Facilitator ket imbasana dagiti pagalagadan ti salip ken inyam-ammona dagiti nag-Hurado ti Salip.

Naipakaammo dagiti nangabak iti kada kategoria kalpasanna.

Naragsakan ken napnek dagiti nagbuya kadagiti presentasion dagiti naipabuya iti dayta a rabii. 

Naipaayan met iti Panangbigbig babaen  iti Fiesta Management dagiti Nag-Hurado iti pasalip. # (Web In-Action)

NABALLIGI A NAGLEPPAS TI 2019 INTER-BARANGAY BASKETBALL TOURNAMENT

Cabugao,   Ilocos   Sur   –   Iti   pannaki-amad ti Web In-Action,  imbatad dagiti Coaches       a   naballigi   a   nagleppas   ti naangay   a   2019   Cabugao   Inter-Barangay Basketball Tournament   ket   nangatiw   ti Namruangan   Team   iti   nakasalipna   iti Team Quezon (Aces)   iti   salisalda iti kinakampeonato. 

Naballigi   a   naipatungpal   daytoy   a paay-ayam   nga   inesponsoran   ti   LGU-Cabugao  a maysa kadagiti naipabuya a   nangpadaeg   iti   selebrasion   ti panagpiesta   ti   ili   (Abril   24-26,   2019) manipud   naaramid   iti     Elimination Round;   Quarterfinals;   Semifinals; Finals     ken   Championship   Games   a naaramid   iti   Cabugao   Cultural   and Sports   Complex,   Barangay   Rizal, Cabugao, Ilocos Sur itay nabiit. # (Web In-Action)

SPES DITOY CABUGAO, NAGTRABAHODAN

Cabugao,   Ilocos   Sur   –   Naipatungpal   ti Special   Program   for   the   Employment   of Students   (SPES)   a   pagbuligan   nga igannuat   ti   Department   of   Labor   and Employment   (DOLE)-Vigan   City     ken   iti LGU-Cabugao para kadagiti agkasapulan ti trabaho   nga  agad-adal   ita a   bakasion   ti 2019.

Maibasar   iti   rekord   ti   Human   Resource Management   Office   (HRMO)     ti   LGU-Cabugao,   maikkanda      ti   pribilehio   nga agtrabaho   ita   a   Summer   Vacation   2019 dagiti Estudiante babaen   iti   panagtrabahoda     kadagiti Opisina ti   nadumaduma a Departamento ti   LGU-Cabugao     a   pakaidesignaranda.

Pagrebbengan ti DOLE nga ited ti 40 % iti magunggonada (insentibo)   nga agtrabaho idinto   ta   60   %   met   iti   aggapu   iti   LGU-Cabugao. 

Iti pannakiuman ti Web In-Action kadagiti estudiante ti SPES, ipeksada ti naan-anay a   panagyamanda   iti   LGU-Cabugao   nga idauluan   ni     Mayor   Josh   Edward   S. Cobangbang     ken   iti   Ahensia   ti   DOLE   ta maikkanda iti gundaway nga agtrabaho para iti pagsayaatanda nga agad-adal.  

Ti SPES ket programa a napataud babaen iti   Republic   Act   7323,   Series   of   1999, naamendaran   babaen   iti   Republic   Act 9547       a   kangrunaan   a   panggepna   iti mangpaadda     ti   pagsapulan   dagiti
agtutubo     kadaytoy   a   panagbakasion   ti agbasa babaen iti programa ti Department of Labor and Employment (DOLE). # (Web In-Action)

CONCELEBRATED MASS ITI KAALDWAN TI PIESTA, NABALLIGI

Cabugao, Ilocos Sur –  Iti kaaldawan ti Ragsak Cabugao Festival 2019 idi Abril 25, 2019, naaramid ti Concelebrated Mass iti 9:00 AM iti Cabugao Catholic Church a dinar-ayan dagiti umili ken iti Pamilia-LGU nga indauluan ni Mayor  Josh Edward S. Cobangbang  ken dadduma pay a mararaem a personalidad iti ili. 

Indauluan ni Bishop Marlo M. Peralta, D.d. iti Archdiocese of Nueva Segovia dagiti Papadi a nangannong iti Misa a nangipaay ti Solemnidad ti pannakaselebrar ti Panagpiesta ti Patron ti Ili ti Cabugao, ni San Markos Ebanghelista. 

Iti kaaldawan ti Piesta ti ili, naaramid pay dagiti okasion a panagtataripnong  dagiti agkakabagian ken aggagayyem a nangpabaro iti irut ti linnangen ken sinninged a natibnokan iti nalaus a panagyaman iti Apo a Namarsua babaen iti pannakimisada gapu  kadagiti agtultuloy a Parabur a naawat ti  tunggal maysa. # (Web In-Action)

EVENING ENTERTAINMENT TI ABRIL 25, NAPNEK TI RIKNA DAGITI NAGBUYA!

Cabugao, Ilocos Sur – Napunno ti ragsak ken segga ti  Cabugao Central Park Multipurpose Pavement iti pannakarambak  ti karabiyan ti kaaldawan ti Piesta idi Abril 25, 2019 a nagpartisiparan dagiti umili ti Cabugao nga idauluan ni Mayor Josh Edward S. Cobangbang agraman ti   Pamilia-LGU;  Bisitas ken  umili iti Cabugao ken Balikbayans.

Naray-aw iti sapasap iti umuna a panagpabuya  da Petite ken  Pepay  a nangray-aw ken nangpagagar kadagiti adu a nagbuya kadaytoy a karabiyan ti kaaldawan ti Piesta.

CLICK HERE TO VIEW MORE PHOTOS

Nasangaili iti daytoy a gundaway ni Former Congressman Ronald V. Singson. Iti Mensahena, kimmablaaw ken nagyaman  ta naawis a makipiesta ket inapresiarna ti kinaragsak dagiti umili iti  kinaadu ti agbuya iti daytoy nga event ket pinadayawanna ti napintas a panagselebrar nga idauluan ni Mayor Josh Edward S. Cobangbang agraman dagiti Opisiales ti ili ken barangay a naitallaong iti nabara a panangrambak dagiti umili iti panagpiestada.

Nangipaay met ti Mensahe ni Mayor Josh Edward S. Cobangbang. Kimmablaaw ken nagyaman iti natunos a panagrambak ken panagselebrar dagiti kailianna ken iti sapasap a makipiesta.

CLICK HERE TO VIEW MORE PHOTOS

Naitultuloy ti panagpabuya dagiti Celebrities kas kada Yassi Pressman; Marco Gallo ken naudi ni Hashtag Tom Doromal. 

Napennek ti rikna dagiti umili a nagbuya ket sigagagarda manen a manguray iti sumaruno ken maudi a rabii ti tallo nga aldaw iti Piesta, Abril 26, 2019 a pannakaangay ti Binibining Cabugao Pageant 2019 ken pagpabuyaan pay dagiti dadduma nga artista.  # (Web In-Action)

INTER-AGENCY A TARABAY DAGITI FARMERS, AGTULTULOY

Cabugao, Ilocos Sur – Agtultuloy iti pannakaited ti programa ken serbisio para kadagiti mannalon ti ili a Cabugao, Ilocos Sur babaen iti nadumaduma nga Ahensia ti Gobierno kangrunaan ti Department of Agriculture, Regional Field Office 1, San Fernando City, La Union.

Iti biang ti LGU-Cabugao, dagiti nagsasaruno a naipaay  ti Ahensia ti DA babaen iti pannakikammayetna iti Gobierno Lokal ket dagiti sumaganad:

1.Field Day and Graduation  dagiti mannalon iti  Brgy. Sabang, Cabugao, Ilocos Sur  iti LFT-FFS on Sustainable Corn Production idi Pebrero  12, 2019. Pinagsapata ni SBM Atty. Randy Baniaga G. Kinaud, Committee Chairman on Agriculture dagiti naggraduar ken nasangaili ni  Mr. Marcelino Alibin iti OPAG-Ilocos Sur iti dayta a pagteng dagiti mannalon.

2.Panangibagi ni Mr. Obas Bill Y. Baclig, Municipal 4H Program Coordinator  iti  ILOCOS SUR 4H CLUB 1ST CITY AND 8TH PROVINCIAL CAMP idiay Mira Hills, Vigan City idi Abril 1, 2019. 

3.Panagatendar dagiti kameng ti Brgy. Sabang Farmers Field School iti naisayangkat a Lakbay Aral iti DA-SCRC Iguig,  Cagayan, DA-SCRC-CBA Solana, Cagayan, DA-CVRC,  Ilagan,  Isabela; PHILRICE-Isabela ken PHILRICE-Nueva Ecija idi Marso 31, 2019  agingga iti Abril 2, 2019. 

Dagitoy a kapadasan dagiti mannalon ket maiyallatiwto  ti adalda  kadagiti mannalon/agtutubo   a kabarangayanda iti lugarda iti Cabugao, Ilocos Sur.

Dagitoy nga aksion ken inisiatiba ket gubuay ti nakammayet a pannakikoordinar ti LGU-Cabugao nga idauluan ni Mayor Josh Edward S. Cobangbang  kadagiti maseknan nga Ahensia nga agtultuloy a  mangtartarabay ken makaited iti pagimbagan kadagiti mannalon iti ili a Cabugao, Ilocos Sur iti agdama. # (Web In-Action)