Cabugao, Ilocos Sur – Iti pannaki-amad ti Web In-Action idi Abril 5, 2013, imbatad ni Mrs. Primitiva Sabaten-Serrano a manam-ayanda iti dandanin agsisilpo a masemento a kalsadada iti Sitio Lubong Danao, Brgy. Dardarat, Cabugao, Ilocos Sur.Insupusop pay ni Mrs. Serrano a pagyamananda unay iti Barangay Council ti Brgy. Dardarat iti panangilungalongda iti LGU-Cabugao kadagitoy a pagsayaatan a naipaay iti lugarda ken mangnamnamada a manayonan pay ti makongkreto nangruna iti masungad a sumrekan tapno naan-anay ti kaadda ti napintas a pagdaliasatanda ditoy lugarda.
Ti Sito Lubong Danao ket Sitio ti Barangay Dardarat nga idauluan ni Brgy. Captain Danny S. Garcia. # (Web In-Action)
No comments:
Post a Comment