Iti pannaki-amad ti Web In-Action kadagiti agdaldaliasat nga agnaed iti akinsurong a barangay, pinagyamananda iti pakanam-ayandan nga agdaliasat iti main road ti Barangay Sisim no mapanda idiay Poblasion ken no umawayda kalpasan iti pannakitiendada iti NISTC-Cabugao Public Market wenno mapanda ken aggapuda idiay Vigan City gapu ta nagkakamangen a nasemento ti pagdaldalananda a masakupan ti Barangay Sisim.
Ti pannakapasayaat dagiti kalsada iti barangay ket maysa kadagiti prayoridad a programa nga ipatungpal ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno maparegta dagiti mannalon iti panagiruarda iti produktoda ken napintas ti dalan a pagdaliasatan iti sapasap nga umili ti Cabugao. # (Web In-Action)
No comments:
Post a Comment