AGTULTULOY A PANAGDUR-AS TI DAYO, INKUMIT TI CATTLE TRADERS

Cabugao, Ilocos Sur – Iti pannaki-amad ti Web In-Action idi Abril 13, 2013, imbatad ni Mr. Mariano Raciles, Jr. ken Mr. Elpidio Mejia, Presidente ken Sekretario kas panagsaganadda iti Cabugao Cattle Traders Association nga agtultuloy a dumurdur-as ti Cabugao Dayo iti  pakaseknan ti asosasion ken iti  pannakaimanehar ti puonan ti Cabugao Dayo.

Innayonda nga ar-aramidenda ti kabaelanda a makitinnarabay kadagiti agidayo ken dagiti Koridor tapno agtultuloy latta iti maaramid a  transaksion iti kaaldawan ti Dayo.

Kas iti dati, nabun-as latta dagiti ayup a mai-dayo iti kaaldawanna. Full-force met ti Opisiales ti asosasion a mangatendar/mangandingay  kadagiti pakaseknanda tunggal bigat ti Sabado a panag-dadayoda. # (Web In-Action)