Cabugao. Ilocos Sur – Imbatad da Mr. Robert S. Savella, AT/Caretaker iti Municipal Plant and Nursery ken MENRO Designate Edgar S. Balangatan a saan laeng a pagpatan-ayan ti madadaan a seedlings a maimula ti ar-aramidenda iti Municipal Plant and Nursery no di pay agpatanorda ti seedlings babaen kadagiti bukel a mapatubo kas iti Ipil-ipil tapno mapaadu ti maimula a kayo para iti pannakasustener ti Regreening Program iti aglawlaw iti Munisipalidad.
Iti agdama, nainayon ti hybrid papaya seedlings a napatan-ay tapno maited a maimula kadagiti 4 P’s iti barangay a maysa a nasamay a pangsupusop iti programa ti nutrision babaen iti backyard gardening.
Babaen iti panangidaulo dagiti nadakamat nga AT’s ti DA-LGU, inaldaw a masibogan dagiti seedlings kasta met a madalusan kadagiti agtubo a ruot tapno maisagsagana a maimula para iti panagtutudo a bulbulan.
Dagitoy nga aktibidades ket paset ti direktiba ti Hepe Ehekutibo ti LGU-Cabugao para iti pannakasustener ti sapasap a programa ti panangpaberde iti aglawlaw ken panangalay-ay ti epekto iti Global Warming ken Climate Change. # (Web Situational Report)
No comments:
Post a Comment