Cabugao, Ilocos Sur – Iti pannaki-amad ti Web In-Action ken ni SK Federated President (Ex-Officio Member ti SB) Benazir Sarmiento idi Abril 16, 2013, maysa a kapatgan nga aktibidadesda ita a summer vacation ket iti pannakaangay ti SK Federation Basketball Tournament a nagpartisiparan ti 33 a barangays ti Munisipalidad ti Cabugao ken kas pakauna a panangparagsak ti pannakaaramid ti 2013 Cabugao Ragsak Festival.
Malaksid iti pannakaipromot ti sports ken panagkakadua, innayon ti SK Federation President nga adda pay inisiatibada a manggun-od ti proyekto-da a makatulong kadagiti iwayatda nga aktibidades. Maysa kadagitoy ket iti nagun-odda a sound system nga indonar ni Diputado Ryan Luis V. Singson kadagiti agtutubo iti ili ti Cabugao.
Aktibo pay ni SB Ex-Officio Member Benazir Sarmiento kadagiti kakaduana iti Konseho Munisipal a makipagpanday kadagiti gakat a mangipaay ti tulong kadagiti amin a sektor iti Munisipalidad. # (Web In-Action)
No comments:
Post a Comment