Cabugao, Ilocos Sur – Iti pannaki-amad ti Web In-Action iti Abril 8, 2013, naammuan iti Information Desk a kaaduan kadagiti napan nagparikna ket dagiti ubbing a masakupan ti 4 P’s (Pantawid Pamilyang Pilipino Program) kadagiti barangay ti ili a Cabugao, Ilocos Sur.
Iti Immunization Room, adu met ti bilang dagiti inna a nangipabakuna kadagiti annakda. Adda met ubbing a kinuyog dagiti nagannak, agtutubo, agkabannuag ken nataengan nga agparikna iti sagubanitda. Masindadaan met dagiti Medical Personnel ken Doktor a mangamiris/mangasikaso iti sakitda ken naannayas iti pannakaited kadakuada iti medisina.
Ti naregget a panangipaay ti Serbisio-Salun-at ti Rural Health Unit (RHU)-Cabugao kadagiti umili ket prayoridad a programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno agkuykuyog ti napintas a salun-at ken ti agtultuloy a panagdur-as ti ili ti Cabugao. # (Web Situational Report)
No comments:
Post a Comment